Бугун,

  • USD 10940.05
  • RUB 182.26
  • EUR 11121.65

Денов туманидаги Сурхон маҳалласида яшовчи М. Саидов алдовларга учиб, диний экстремистик оқимга қўшилиб қолганлардан бири. 4 фарзанднинг отаси тегишли жазо муддатини ўтаб бўлгач, ўтган йили жазони ижро этиш муассасасидан озод этилган.

Фото: ЎзА

Фото: ЎзА

ЎзАнинг маълум қилишича, вилоят ички ишлар бошқармаси бошлиғи Шуҳрат Сотволдиев М.Саидовнинг хонадонида бўлиб, оила аъзолари билан суҳбатлашди. Яшаш шароити билан танишди.

Айни пайтда М.Саидов тумандаги фермер хўжаликларидан бирида меҳнат қилмоқда. Оила аъзолари билан томорқасида турли зироатлар етиштирмоқда.

— Сохта диндорлар алдовига учиб, хато қилганимизни кеч бўлса ҳам англаб етдик, — дейди М.Саидов. — Фақат уларнинг нопок ниятлари қурбонига айланганимиз қолди. Бу қилмишимиздан чин дилдан пушаймонмиз. Бундан тўғри хулоса чиқариб, хатомизни ҳалол меҳнатимиз билан оқлаймиз. Фарзандларимиз тарбиясига алоҳида эътибор қаратаяпмиз. Мана, эртаги картошкамизнинг ўзидан ҳозиргача 6 миллион сўм даромад кўрдик.

Полковник Ш.Сатволдиев мазкур маҳаллада яшайдиган диний экстремистик оқимнинг собиқ аъзоси А.Муродов хонадонида ҳам бўлиб, унинг яшаш шароити билан танишди. Эртаги картошка ҳосилини йиғиб олаётган А.Муродов ҳам ҳаётининг яхши томонга ўзгарганини эътироф этди.

Шунингдек, вилоят ички ишлар бошқармаси бошлиғи оқимга қўшилиб қолиб, жазо муддатини ўтаб келган Шўрчи ва Қумқўрғон туманларида яшовчи қатор шахслар хонадонларида бўлди. Оилавий аҳволи ва турмуш шароитини ўрганиб, уларга тегишли маслаҳатлар, тавсиялар берди. Эҳтиёжманд оилаларга турли озиқ-овқат маҳсулотлари топширилди.

Изоҳ
Асосий янгиликлар