«Ливерпуль»—«Челси». АПЛ 34-тур ўйинлари анонси

12 апрель, жума куни футбол бўйича Англия премьер лигасининг 34-тур ўйинларига старт берилди.

Турнинг дастлабки ўйинида «Лестер» ўз майдонида «Ҳаддерсфилд»ни қабул қилди.

Учрашувдаги ягона гол 32-дақиқада меҳмон жамоа аъзоси Аёзе Перес томонидан киритилди. Натижада «Ньюкасл» сафарда кечган баҳсда Брендан Рожерс шогирдларини кичик ҳисобда мағлуб этди (1:0).

13 апрель, шанба куни Маурисио Почеттино қўл остидаги Лондоннинг «Тоттенҳэм» жамоаси «Ҳаддерсфилд»га қарши майдонга тушади. Беллашув Тошкент вақти билан соат 16:30 да бошланади. Эслатиб ўтамиз, «шпорлар» 9 апрель куни бўлиб ўтган Европа Чемпионлар Лигаси 1/4 финалининг илк учрашувида «Манчестер Сити»ни маглуб этганди (1:0).

Сўнгги турда «Вулверҳэмптон»га имкониятни бой берган (1:2) Оле-Гуннар Сульшер бошлиқ «Манчестер Юнайтед» «Олд Траффорд»да «Вест Ҳэм»ни синовдан ўтказади. Беллашувга 21:30 да старт берилади.

14 апрель, якшанба куни мусобақа жадвалида 2-ўринда бораётган «Манчестер Сити» «Кристал Пэлас» майдонига сафар қилади. Ўйин соат 18:05 да бошланиши белгиланган. Маълумот учун, «манкунианлар» 33-турда «Кардифф»ни 2:0 ҳисобида таслим қилганди.

Турнинг марказий баҳси «Энфилд» стадионида бўлиб ўтади. Унда «Ливерпуль» клуби Лондоннинг «Челси» жамоасини қабул қилади. Учрашув соат 20:30 да старт олади.

Таъкидлаш жоиз, мерсисайдликлар 9 апрель куни бўлиб ўтган Европа Чемпионлар Лигаси 1/4 финалининг дастлабки ўйинида Португалиянинг «Порту» жамоасини мағлубиятга учратган бўлса (2:0), «аристократлар» Европа Лигаси чорак финалининг илк ўйинида «Славия Прага»ни кичик ҳисобда ютганди (1:0).

15 апрель, душанба куни турнинг охирги беллашувида Унаи Эмери бошқарувидаги «Арсенал» жамоаси «Уотфорд» билан баҳсга киришади. Маълумот учун, «тўпчилар» 63 очко тўплаган ҳолда 5-ўринда бормоқда.