«Браво»нинг лицензияси тугатилишида Кабуловнинг қўли борми? «Миллион»нинг раҳбари шу саволга жавоб берди (видео)

«Миллион» жамоасининг сардори Даврон Кабулов «Дарё» интернет-нашри учун эксклюзив интервью берди. Интервьюни журналист Феруз Муҳаммад уюштирди.

Даврон Кабулов суҳбат давомида «‘Браво’нинг лицензиясини тугатилишида Даврон Кабуловнинг қўли борми?», дея изоҳ қолдираётганлар ҳақида гапириб, ушбу масалага ойдинлик киритди.

Яқинда бир жойда «‘Браво’нинг лицензияси олиб қўйилишида Даврон Кабуловнинг қўли бор» деган нарсани ўқиб қолдим. «Қўлини қаерга чўзса, ўша ерга етади», деб ўйлашадими мени?! Аввалом кимгадир ёмонлик қилиш фикридан асрасин. Агарда кимгадир ёмонлик қилиш ниятим бўлганда, жамоанинг тарк этган ҳар бир аъзоси билан шартномамиз бор эди — юристлар орқали курашардик.

Менинг ёмонлик қилиш ниятим йўқ, қонуний ҳуқуқни талаб қилган тақдиримда ҳам одамларнинг «Ўзи билан бирга кўтарилган болаларнинг орқасидан иш қилиб юрибди», деган гапи керак эмас. Одам битта уловда сиз билан йўлга чиқдими, эртага сиз билан тушиб қолганидан ҳозир тушиб қолгани маъқул. Охирги манзилгача сиз ишончли одамлар билан борсангиз яхши.

Даврон Кабулов, «Миллион» жамоасининг сардори