Термизда жаҳон андозаларга мос халқаро аэропорт барпо этилди. Бу ҳақда ЎзА хабар берди.
Замонавий йирик иншоотнинг қурилиш ишлари «Термизтаъминот» корхонаси томонидан икки ойда якунлади.
Мутахассисларнинг айтишича, мамлакат жанубидаги эски аэропорт бир соатда юз йўловчига хизмат кўрсатган бўлса, янги иншоот бир йўла 400 кишини қабул қилиш қувватига эга бўлмоқда. Ҳозиргача бу ерда бир вақтнинг ўзида битта самолёт қабул қилинган бўлса, эндиликда янги аэропорт ҳудудига бир пайтнинг ўзида иккита самолёт қўниши мумкин.
Замонавий ва миллий қиёфада бўй кўрсатган аэропорт қурилишига хорижий давлатларнинг махсус материалларидан ҳам фойдаланилди. Кенг, кўркам бинонинг шифти ва пол қисмига хорижда ишлаб чиқарилган материаллар ўрнатилди. Ташқи фасади Туркиянинг ҳашамдор керамик гранит материали билан безатилди.
Айни кунларда қурувчилар ҳудудда сўнгги ободонлаштириш-кўкаламзорлаштириш юмушларини амалга оширмоқда.
Барча қулайликларга эга халқаро аэропорт жорий йил 5 —10 апрель кунлари Термиз шаҳрида бўлиб ўтадиган Халқаро бахшичилик санъати фестивали арафасида фойдаланишга топширилади.
Изоҳ (0)