2019 йил ҳосили учун қишлоқ хўжалиги экинларини оқилона жойлаштириш ва маҳсулот етиштиришнинг прогноз ҳажмлари тўғрисидаги ҳукумат қарори қабул қилинди. Бу ҳақда «Ҳуқуқий ахборот» канали маълум қилди.
Қарорга мувофиқ, 2019 йил учун республикада:
жами 135 минг 641 гектар ерга сабзавот, 60 минг 156 гектар ерга полиз экинлари жойлаштирилади ҳамда 2 миллион 875 минг 640 тонна сабзавот, 1 миллион 59 минг 240 тонна полиз экинлари етиштирилади;
жами 57 минг 292 гектар боғ-ток қаторлари орасида 853 минг 905 тонна сабзавот, дуккакли ва полиз экинлари етиштирилади;
824 минг 350 гектар ғалладан бўшайдиган майдонга такрорий экин экилади ва жами 10 миллион 448 минг 780 тонна маҳсулот, жумладан, 789 минг 189 тонна картошка етиштирилади ҳамда ғалладан бўшайдиган ер учун жами 4 миллиард 292 миллион 707 минг сўм маблағ ажратилади.
Юқоридагиларни жамлаган ҳолда 2019 йилда республикада жами 13 миллион 396 минг 437 тонна маҳсулот етиштирилади ва маҳсулотларнинг 1 миллион 858 минг 789 тоннаси экспорт қилинади, 7 миллион 784 минг 537 тоннаси ички истеъмол учун мўлжалланган.
Жами маҳсулотларнинг 1 миллион 490 минг 660 тоннаси картошка бўлиб, унинг 1 миллион 56 минг 903 тоннаси ички исътемол учун ажратилади.
Изоҳ (0)