Бугун,

  • USD 11095.31
  • RUB 173.84
  • EUR 10772.44

Тошкентдаги «Ёшлар ижод саройи»да «Таълим ва мутахассислик» ХХ халқаро кўргазмаси бўлиб ўтмоқда. Бу ҳақда «Дарё»га Ёшлар медиа маркази маълум қилди.

Фото: Ёшлар медиа маркази

Фото: Ёшлар медиа маркази

Кўргазма таълим ва бандлик йўналишларида ташкил этилган бўлиб, унда Америка, Хитой, Франция, Ҳиндистон, Япония, Германия, Латвия, Чехия, Польша, Англия, Малайзия, Венгрия, Испания, Россия, Канада, Швейцария, Сингапур каби давлатлардаги 70 га яқин нуфузли олий ўқув юрти ва уларнинг Ўзбекистондаги филиаллари, 40 дан ортиқ Ўзбекистонда фаолият юритаётган олий таълим муассасаси, 40 дан ортиқ хорижда таълим олишга кўмаклашувчи ташкилот, нодавлат таълим муассасаси ҳамда ўқув курси иштирок этмоқда.

Фото: Ёшлар медиа маркази

Фото: Ёшлар медиа маркази

—Ҳозирда 570 нафар ўзбекистонлик талаба АҚШда таҳсил олмоқда. Биз уларнинг сафини янада кенгайтирмоқчимиз. Чунки дунёнинг бир қатор нуфузли олий таълим муассасалари айнан Америкада жойлашган. Шу сабабли ўзбекистонлик талабаларда бизнинг мамлакатда ўқиш иштиёқи баланд, — дейди Американинг Ўзбекистондаги элчихонаси матбуот хизмати бошлиғи Сюзанна Вуд. — Ўзбекистондан ўқишга бораётган талабалар асосан бизнес, муҳандислик ва технологиялар бўйича таҳсил олади. Maгистратура йўналишида ўқимоқчи бўлганлар ҳам кўпчиликни ташкил этади.

Фото: Ёшлар медиа маркази

Фото: Ёшлар медиа маркази

Шунингдек, Ўзбекистон ёшлар иттифоқи қошидаги марказлар томонидан ёшларда тадбиркорлик кўникмаларини шакллантириш, ахборот технологиялари соҳасидаги билимларини ошириш ва хорижий тилларни ўргатишга қаратилган бепул тўгараклар ва ўқув курслари тўғрисидаги тақдимотлар ўқувчилар, абитуриентлар ва талабаларда қизиқиш уйғотди.

Фото: Ёшлар медиа маркази

Фото: Ёшлар медиа маркази

— Ушбу кўргазмага ўзбекистонлик ёшларни Германияда таълим жараёнлари, илмий излар олиб бориш ва мавжуд стипендиялар билан таништириш учун келдик, — дейди Германиянинг Ўзбекистондаги элчихонаси вакили Симон Кретчмер. — Бу кўргазмада бир неча йилдан буён қатнашиб келяпмиз. Иштирокимиз давомида мамлакат ёшларининг илм олишга қизиқиши, эртанги куни, келажаги учун ҳаракатдалигига гувоҳ бўлдим.

Фото: Ёшлар медиа маркази

Фото: Ёшлар медиа маркази

Тадбир доирасида бандликка кўмаклашувчи марказлар, йирик компаниялар иштирокида «Бўш иш ўринлари меҳнат ярмаркаси» ташкил этилиб, унда Корея халқаро ҳамкорлик агентлиги (KOICA) ҳамда Ташқи меҳнат миграцияси масалалари агентлиги ҳам қатнашди.

Фото: Ёшлар медиа маркази

Фото: Ёшлар медиа маркази

Маълумот учун, кўргазмага биринчи куннинг ўзида 3 минг нафардан ортиқ ёш келди.

Изоҳ
Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
“Ўтган йил давомида ички ишлар ходимлари билан боғлиқ 644 та салбий видео тарқалган” — Шоҳрух Ғиёсов