Бугун,

  • USD 11095.31
  • RUB 173.84
  • EUR 10772.44

Зинедин Зидан мавсум охирида «Реал» таркиби билан жиддий шуғулланишни режалаштирмоқда. Бу ҳақда AS хабар берди.

Фото: Google Images

Фото: Google Images

Мадрид жамоаси «Порту» ҳимоячиси Милитаони сотиб олди, у ёзда клуб таркибига келиб қўшилади. Аммо бошқа бир муаммо пайдо бўлди — Рафаэль Варан клубдан кетишни ўйламоқда. Агар шундай бўлса, «Қироллик клуби» ўзгаришлар қилиши лозим. Шунга қарамай, франциялик марказий ҳимоячига эга бўлиш истагида бўлган исталган клуб анча-мунча тер тўкиши керак бўлади.

Зидан марказий ярим ҳимоя чизиғини кучайтирмоқчи: клуб Матео Ковачични қайтармоқчи эмас, бундан ташқари франциялик мутахассис Маркос Льорентега унчалик ишонч билдирмаяпти. Шу сабабли Мадрид клуби «Манчестер Юнайтед» ярим ҳимоячиси Поль Погба ва «Лион» аъзоси Танги Ндомбелега қизиқиш билдирмоқда.

Исконинг «Реал»дан кетиши истисно қилинмади: биринчидан, у Мадрид клуби раҳбариятининг жаҳлини чиқарди. Иккинчидан, эса ўзининг тартибсизлиги билан жамоадошлари ишончини йўқотди. Агарда яхшигина таклиф тушса, клуб буни кўриб чиқиши мумкин.

Зидан «Реал» ҳужум чизиғидаги Топ-футболчилар билан шартнома тузишини хоҳламоқда. 46 ёшли мутахассис учун энг ажойиб вариант — ПСЖ ҳужумчиси Килиан Мбаппе. У ёш иқтидор эгасини Мадридга олиб келиш ниятида, бироқ мазкур трансфер борасидаги музокаралар ҳозирча муваффақиятли амалга ошмаяпти. Шунинг учун, клуб «Челси» ҳужумчиси Эден Азар билан шартнома имзолашни кўзламоқда. Айтганча, «Реал»нинг Неймарга бўлган қизиқиши ҳозирга келиб сўниб бўлган.

Гарет Бэйл борасида эса мадридликлар футболчини сотиш бўйича энг мақбул вариантларни кўриб чиқмоқда, бундан ташқари мазказий ҳужумчи ҳам қидирмоқда.

Аввалроқ «Реал» спорт директори Лука Йович ҳамда Миралем Пьяничнинг агентлари билан учрашгани ҳақида хабарлар пайдо бўлганди.

 Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!

Изоҳ
Асосий янгиликлар
Иқтисодиёт
Ўзбекистонда январь ойида кимларга энг юқори маош таклиф қилинди?
Дунё
“Россия ютқазади, Украина ғалабаси дунёни ўзгартиради”: Зеленский Буюк Британия парламентида нутқ сўзлади (видео)
Маҳаллий
Қорақалпоғистондаги уйда газ портлаши оқибатида бир киши вафот этди