26 март, сешанба куни футбол бўйича 2020 йилги Европа Чемпионатининг саралаш босқичи доирасида гуруҳларда 2-турнинг сўнгги беллашувлари бўлиб ўтди.
Турнинг марказий ўйинларидан бирида Швейцария терма жамоаси Дания термасига қарши майдонга тушди.
Учрашувда Ремо Фройлер (19), Гранит Жака (66), Брел Эмболонинг (76) киритган голларига данияликлар Матиас Йоргенсен (84), Кристиан Гюткер (88) ва Хенрик Далсгаарднинг (90) голлари билан жавоб қайтарди (3:3). Натижада ғолиб номи аниқланмади ва томонлар бир очкодан бўлишиб олди.
Дастлабки турда Норвегия термасини базўр ютган Серхио Рамос етакчилигидаги Испания терма жамоаси сафарда Мальтани синовдан ўтказди.
Ўйиннинг 31 ва 73-дақиқаларида «Атлетико» ҳужумчиси Альваро Мората рақиб дарвозасини ишғол қилиб, дублга эришди (2:0).
Шу тариқа испанлар Моратанинг дубли эвазига ғалаба қозонди ва навбатдаги 3 очкони қўлга киритди.
Шу куни саралашнинг «Ж» гуруҳидан ўрин олган баҳсда Роберто Манчини қўл остидаги Италия терма жамоаси ўз майдонида Лихтенштейн термаси билан беллашди.
Учрашувнинг 17-дақиқасида Стефано Сенси ҳисобни очган бўлса, 32-дақиқага келиб Марко Верратти меҳмон жамоа дарвозасига гол урди (2:0). 35 ва 45-дақиқаларда эса А Сериянинг айни дамдаги тўпурари Фабио Квалярелла 11 метрлик жарима зарбасидан дарвозани аниқ нишонга олди ва ҳисобни 4:0 кўринишига олиб келди. Ўйин давомида Мойзе Кин (70) ҳамда Леонардо Паволетти (76) ҳам ўз номига биттадан гол ёздириб қўйди (6:0).
Шу тариқа италияликлар ўз майдонида Лихтенштейн термасини йирик 6:0 ҳисобида мағлубиятга учратди (6:0).
Евро—2020
Саралаш, 2-тур баҳслари
26 март, сешанба
«D» гуруҳи
Ирландия—Грузия 1:0
Голлар: 1:0 — 36 АуригейнШвейцария—Дания 3:3
Голлар: 1:0 — 19 Фройлер, 2:0 — 66 Жака, 3:0 — 76 Эмболо, 3:1 — 84 Йоргенсен, 3:2 — 88 Гюткер, 3:3 — 90 Далсгаард«F» гуруҳи
Мальта—Испания 0:2
Голлар: 0:1 — 31 Мората, 0:2 — 73 МоратаНорвегия—Швеция 3:3
Голлар: 1:0 — 41 Жонсен, 2:0 — Кинг, 2:1 — 70 Клаэссон, 2:2 — 86 Квайзон, 2:3 — 90+1 Квайзон, 3:3 — 90+6 КамараРуминия—Фарер ороллари 4:1
Голлар: 1:0 — 26 Дяк, 2:0 — 29 Кесеру, 3:0 — 33 Кесеру, 3:1 — 40, пенальти, Давидсен, 4:1 — 63 Пускас«Ж» гуруҳи
Арманистон—Финляндия 0:2
Голлар: 0:1 — 14 Йенсэн, 0:2 — 78 СойриБосния ва Герцеговина—Греция 2:2
Голлар: 1:0 — 10 Вишча, 2:0 — 15 Пьянич, 2:1 — 64 Фортунис, 2:2 — 85 КоловосИталия—Лихтенштейн 6:0
Голлар: 1:0 — 17 Сенси, 2:0 — 32 Верратти, 3:0 — 35, пенальти, Квалярелла, 4:0 — 45, пенальти, Квалярелла, 5:0 — 70 Кин, 6:0 — 76 ПаволеттиЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)