Бугун,

  • USD 11095.31
  • RUB 173.84
  • EUR 10772.44

Ўзбекистоннинг парранда фабрикаси «Z. М.Bobur» масъулияти чекланган жамияти паррандачиликда юз йилдан ортиқ тажрибага эга бўлган Cobb Europe Ltd компаниясининг мукофотига сазовор бўлди. Бу ҳақда UzNews хабар берди.

Фото: UzNews

Фото: UzNews

Компания ўзбек фабрикасини «Энг илғор ва ўсиб бораётган фаолият» номинациясида мукофотлаган.

2015 йилда турк инвесторлари «Ўзбекистон» ва «Z. М.Bobur» компанияларини сотиб олган. Тадбиркорларнинг айтишича, дунёнинг энг хавфсиз мамлакатларидан бири.

«Бундан ташқари, сўнгги йилларда мамлакатда қулай инвестицион муҳит яратишга қаратилган кенг кўламли сиёсат олиб борилмоқда», — дейди таъсисчилардан бири Абдуллоҳ Ваҳоб.

Фото: UzNews

Фото: UzNews

«Ўзбекистон» масъулияти чекланган жамияти Тошкент вилояти Зангиота туманида жойлашган ва парранда гўшти ишлаб чиқаришга ихтисослашган. «Z. М.Bobur» масъулияти чекланган жамияти эса Сирдарё вилояти Сардоба туманида жойлашган. У бройлер товуқларини етиштириш ва инкубаторда тухум ишлаб чиқариш билан шуғулланади.

Умумий ҳисобда иккала компаниянинг ишлаб чиқариш қуввати 4 миллион бош паррандани ташкил этади.

Ривожланиш йилларида «Z.М.Bobur» компанияси бройлер товуқларини узлуксиз ишлаб чиқаришни йўлга қўйган. Ишлаб чиқариш вақтида компания барча халқаро стандартларга мос келадиган немис ишлаб чиқарувчиси BIG DUTCHMAN INTERNATIONAL GMBH’нинг энг янги жиҳозлардан фойдаланади.

«Компания аниқ бошқарув тизимига эга. Компаниянинг таъсисчилари ўз кўникмаларини доимий равишда такомиллаштириб, чет элда малака оширади», — дейди компания менежери.

Самарали меҳнати натижасида «Z. М.Bobur» масъулияти чекланган жамияти Cobb Europe Ltd компаниясининг мукофоти билан тақдирланган.

Cobb Europe Ltd паррандачилик соҳасида юз йилдан ортиқ тажрибага эга компания ҳисобланади. У 1916 йилда АҚШнинг Массачусетс штатида ташкил этилган.

«Z.М.Bobur» бу мукофот билан чекланиб қолмоқчи эмас. Энди у Cobb Europe Ltd’нинг энг олий мукофоти — COBB Champion’ни олиш ниятида. Ушбу мукофот бройлер товуқларини етиштириш ва инкубаторда тухум ишлаб чиқариш соҳасидаги халқаро етакчи компанияларга берилади.

Изоҳ
Асосий янгиликлар
Дунё
Америкалик миллиардернинг террорчига айланган набираси, Атлантикада тўқнашиб кетган икки сув ости кемаси ва АҚШнинг биринчи президентига айланган Вашингтон. Кун хр...
Дунё
Францияда поездда кетаётган йигит ўзини портлатиб юбориш билан таҳдид қилди
Спорт
“Барселона” MLS вакилини рўйхатдан ўтказишда 18 сония кеч қолган