O‘zbek parranda fabrikasi ilk bor Amerika kompaniyasining mukofotiga sazovor bo‘ldi
O‘zbekistonning parranda fabrikasi “Z. М.Bobur” mas’uliyati cheklangan jamiyati parrandachilikda yuz yildan ortiq tajribaga ega bo‘lgan Cobb Europe Ltd kompaniyasining mukofotiga sazovor bo‘ldi. Bu haqda UzNews xabar berdi.
Kompaniya o‘zbek fabrikasini “Eng ilg‘or va o‘sib borayotgan faoliyat” nominatsiyasida mukofotlagan.
2015-yilda turk investorlari “O‘zbekiston” va “Z. М.Bobur” kompaniyalarini sotib olgan. Tadbirkorlarning aytishicha, dunyoning eng xavfsiz mamlakatlaridan biri.
“Bundan tashqari, so‘nggi yillarda mamlakatda qulay investitsion muhit yaratishga qaratilgan keng ko‘lamli siyosat olib borilmoqda”, — deydi ta’sischilardan biri Abdulloh Vahob.
“O‘zbekiston” mas’uliyati cheklangan jamiyati Toshkent viloyati Zangiota tumanida joylashgan va parranda go‘shti ishlab chiqarishga ixtisoslashgan. “Z. М.Bobur” mas’uliyati cheklangan jamiyati esa Sirdaryo viloyati Sardoba tumanida joylashgan. U broyler tovuqlarini yetishtirish va inkubatorda tuxum ishlab chiqarish bilan shug‘ullanadi.
Umumiy hisobda ikkala kompaniyaning ishlab chiqarish quvvati 4 million bosh parrandani tashkil etadi.
Rivojlanish yillarida “Z.M.Bobur” kompaniyasi broyler tovuqlarini uzluksiz ishlab chiqarishni yo‘lga qo‘ygan. Ishlab chiqarish vaqtida kompaniya barcha xalqaro standartlarga mos keladigan nemis ishlab chiqaruvchisi BIG DUTCHMAN INTERNATIONAL GMBH’ning eng yangi jihozlardan foydalanadi.
“Kompaniya aniq boshqaruv tizimiga ega. Kompaniyaning ta’sischilari o‘z ko‘nikmalarini doimiy ravishda takomillashtirib, chet elda malaka oshiradi”, — deydi kompaniya menejeri.
Samarali mehnati natijasida “Z. М.Bobur” mas’uliyati cheklangan jamiyati Cobb Europe Ltd kompaniyasining mukofoti bilan taqdirlangan.
Cobb Europe Ltd parrandachilik sohasida yuz yildan ortiq tajribaga ega kompaniya hisoblanadi. U 1916-yilda AQShning Massachusets shtatida tashkil etilgan.
“Z.М.Bobur” bu mukofot bilan cheklanib qolmoqchi emas. Endi u Cobb Europe Ltd’ning eng oliy mukofoti — COBB Champion’ni olish niyatida. Ushbu mukofot broyler tovuqlarini yetishtirish va inkubatorda tuxum ishlab chiqarish sohasidagi xalqaro yetakchi kompaniyalarga beriladi.
