Ҳуқуқшунос Хушнудбек Худойбердиев ўзбекистонликлар Наврўз байрамида неча кун дам олиши ҳақидаги маълумотларни тақдим этди.
«Айтиш жоизки, жорий йилда ўтган йилгига ўхшаб Наврўз байрамида 5 кун кетма-кет дам олиш деган нарса йўқ. Бу йил ҳафтасига 5 кун ишловчи ходимлар кетма-кет 4 кун дам олишади. Қуйида байрам арафасидаги дам олиш кунлари ҳақидаги маълумот билан танишишингиз мумкин», — дейилади хабарда.
Ҳафтасига 5 кун ишловчи ходимларга қуйидаги кунлар (4 кун кетма-кет) дам олиш куни ҳисобланади:
21 март – пайшанба (Наврўз байрами);
22 март – жума (қўшимча дам олиш куни);
23 март – шанба;
24 март – якшанба.
Ҳафтасига 6 кун ишловчи ходимларга қуйидаги кунлар дам олиш куни ҳисобланади:
21 март – пайшанба (Наврўз байрами);
22 март – жума (қўшимча дам олиш куни);
24 март – якшанба.
Изоҳ: ҳафтасига 6 кун ишловчи ходимлар 23 март (шанба) куни ишга чиқиши лозим.
Изоҳ (0)