16 март, шанба куни футбол бўйича Ўзбекистон Суперлигасида 1-турнинг марказий учрашув бўлиб ўтди.
Унда Тошкентнинг икки клуби «Пахтакор» ҳамда «Локомотив» ўзаро баҳсга киришди.
Беллашувнинг 53-дақиқасида Игорь Сергеев Жалолиддин Машарипов узатмасини голга айлантирган бўлса, 61-дақиқага келиб Драган Черан «Локомотив» дарвозасига пенальтидан гол урди. Орадан икки дақиқа ўтиб Драган Черан жуда чиройли гол уриб, дублга эришди ва ҳисобни йириклаштирди (3:0). 73-дақиқада эса Жамшид Искандеров ўрнига майдонга тушган Арслонмурод Омонов ҳисобни қисқартиришга муваффақ бўлди (3:1).
Шу тариқа «шерлар» ўз майдонида амалдаги чемпионларни 3:1 ҳисобида мағлуб этди ва дастлабки 3 очкони қўлга киритди.
Суперлига
1-тур баҳси
16 март, шанба
«Пахтакор»—«Локомотив» 3:1
Голлар: 1:0 — 53 Игорь Сергеев, 2:0 — 61, пенальти, Драган Черан, 3:0 — 63 Драган Черан, 3:1 — 73 Арсломнурод Омонов«Пахтакор»: Санжар Қувватов, Фарруҳ Сайфиев, Егор Кримец, Шерзод Аъзамов, Хожиакбар Алижонов, Садриддин Абдуллаев (Сардор Собирхўжаев, 80), Одилжон Ҳамробеков, Жалолиддин Машарипов (Жавоҳир Сидиқов, 88), Драган Черан, Достонбек Ҳамдамов (Жасур Яхшибоев, 72), Игорь Сергеев
«Локомотив»: Жавоҳир Илёсов, Давронбек Ҳошимов, Анзур Исмоилов, Ислом Тўхтахўжаев, Олег Зотеев, Ёван Жокич, Жамшид Искандеров (Арслонмурод Омонов, 62), Диёржон Туропов, Азизбек Омонов (Ҳусниддин Ғофуров, 46), Сардор Мирзаев, Темурхўжа Абдуҳолиқов (Филип Раевац, 68)
Огоҳлантиришлар: Азиз Омонов (10), Диёр Туропов (29), Даврон Ҳошимов (50), Егор Кримец (54), Жамшид Искандеров (60), Темурхўжа Абдухолиқов (66), Хожиакбар Алижонов (70), Ҳусниддин Ғофуров (90+2)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)