Самарқандда ўзига бириктирилган маҳалла ҳудудида жиноят содир этилишига йўл қўймай, жиноятларни камайишига эришган ҳамда ҳуқуқбузарликлар профилактикасини амалга оширишда ижобий натижаларга эришган 484 нафар профилактика инспектори 1 миллион сўмдан, 60 нафар маҳалла фаоли, жамоатчилик вакиллари эса 800 минг сўмдан пул мукофоти билан тақдирланди.
Самарқанд вилоят ИИБ матбуот хизматининг «Дарё»га маълум қилишича, Самарқанд вилоятида жорий йилнинг 2 ойи давомида, жиноят ва ҳуқуқбузарликларни барвақт олдини олиш борасида ҳамкорликда ўтказилган профилактик тадбирлар натижасида, мавжуд 1087 та маҳалланинг 940 тасида жиноят содир этилишига йўл қўйилмаган.
Тантанали тадбирда вилоят ҳокими Эркинжон Турдимов бошчилигида вилоят раҳбарлари иштирок этди.
Олдинроқ Қашқадарё ва Фарғонада профилактика инспекторлари, маҳалла фаоллари ҳамда жамоатчилик вакиллари тақдирлангани маълум қилинганди.
Изоҳ (0)