Чехияда 33 ёшли эркак уйининг томорқасида ноқонуний равишда сақланаётган шерлардан бири томонидан ўлдирилган. Бу ҳақда «Лига Новости» хабар берди.
Михал Прасек 2016 йилда эркак шер, ўтган йили эса урғочи шерни сотиб олган. У шерларни Здеков қишлоғидаги томорқасида сақлаган.
Хабар қилинишича, бу маҳаллий аҳоли ўртасида ташвиш уйғотган.
Аввал ҳам Прасекга фермер хўжалиги қуришга рухсат берилмаган, оқибатда у ноқонуний ҳайвонлар сақлагани учун жаримага тортилган.
Бироқ у одамларни уйи ҳудудига киришига рухсат бермай қўйганидан кейин, унинг ҳокимият билан бўлган зиддиятлари тўхтаб қолган.
Чехнинг отаси ўғлининг жасадини шернинг қафасидан топиб, маҳаллий оммавий ахборот воситаларига қафас ичкари томондан қулфланганлигини маълум қилган.
Ҳайвонлар воқеа жойида отиб ташланган. Ҳуқуқни муҳофаза қилиш органлари вакили маҳаллий ОАВга берган маълумотида қотиллик «инсоннинг олдига бориш учун амалга оширилиши зарур бўлганлигини айтган.
Изоҳ (0)