АҚШда ўрмонда йўқолиб қолган икки қизча 2 кун бута остида жон сақлади

АҚШнинг Шимолий Каролина штатида қутқарувчилар ўрмонда адашиб қолган икки қизни топишга муваффақ бўлди. Улар йўқолиб қолганидан 44 соат кейин топилган. Бу ҳақда USA Today хабар берди.

Саккиз ёшли Лея ва 5 ёшли Каролина Каррико 1 март, жума куни онасининг тақиқига қарамай, ёмғир пайтида уй атрофидаги ўрмонда айланиш учун кетишган. Тез орада аёл қизлар йўқолиб қолганини билган ва қўшнилари ва дўстлари билан қидиришга кетган. Кейин полицияга қўнғироқ қилиб, воқеа ҳақида хабар берган.

Ўнлаб полициячи ва қутқарувчилар ўрмонда итлар билан қизларни излаган. Юқоридан вертолётда ҳам қидирган.

Опа-сингиллар 4 март куни тонгда уйидан 2,3 километр узоқдан кучли бўрон бошланишига бир неча соат қолганида топилган. Қизлар шамол ва ёмғирдан яшириниб, бутанинг тагига бекинган ҳамда музлаб қолмаслик учун бир-бирини қучоқлаб ўтирган.

Улар буғунинг ортидан бориб, кейин адашиб қолганини тан олган. Кейин эса ёрдам кутган. Тирик қолиш учун қизлар бутанинг баргларидан сув ичган ва ўзи билан олиб келган мюсли батонини еган.

Опа-сингилларни тез ёрдам шифокорлари текшириб, уларга совқотган ва сувсизланиб қолган дея ташхис қўйган. Аммо уларни касалхонага ётқизишга ҳожат йўқ эди. Шунинг учун уйга қайтишга рухсат берилган.