Бугун,

  • USD 11095.31
  • RUB 173.84
  • EUR 10772.44

Sputnik чинакам юморнинг бачканаликдан фарқи, қизиқчилик соҳасини тартибга солиш мумкин-мумкин эмаслиги ҳақидаги саволлар билан россиялик актёр ва режиссёр Юрий Стояновга мурожаат қилди.

Фото: Sputnik

Фото: Sputnik

Артист суҳбат бошидаёқ ҳар бир алоҳида ҳолат бўйича мамлакатда мавжуд юридик ва ахлоқ нормаларини инобатга олган ҳолда қарор қабул қилиниши кераклигини айтиб ўтди.

«Агар қонун бузилган бўлса, ҳар бир аниқ ҳолат бўйича ушбу жанрнинг барча вакиллари эмас, балки аниқ шахс жавоб бериши лозим. Ўзбеклар — доно ва сахий халқ, улкан тарихга эга, ўйлайманки, улар бу ҳолатни аввало қонун, ўзларининг маданияти ва энг яхши сифатларига таяниб ҳал этадилар», — деди Стоянов.

Актернинг фикрича, санъатнинг ҳар қандай турида, хусусан, юмор жанрида ҳам ҳар қандай таъқиқ деярли самара бермайди, чунки ҳажвия соҳаси ўз шахсий қонун-қоидаларига кўра ривожланади.

«Санъат — бу денгиз: унинг ўзи кемаларни чўктиради, тақдирига яшаш ёзилганларни қирғоққа, кимларнидир кимсасиз оролга улоқтиради. Унинг ўзи ‘мусоръни қирғоққа чиқаради, ўз-ўзини тозалайди. Лекин бу денгиз жуда ифлосланиб кетган бўлса, қўшиламан, бу катта муаммо. Лекин буни қандайдир чекловлар билан тартибга солиш керак эмас. Бу ўз-ўзидан содир бўладиган ҳолат. Иқтидорсизлар улоқтирилади, истеъдод соҳиблари қолади», — деб қайд этди артист.

Юмордаги ахлоқ қоидаларига тўғри келмайдиган тутуриқсиз гаплар ҳақида тўхталар экан, Стоянов, ҳар бир инсон қайси мамлакатда экан, қайси вақтда ва ниманинг устидан кулаётганини унутмаслиги лозимлигини таъкидлади. Шу боис, миллатнинг ўзига хослигини унутмаган ҳолда, анъаналарга риоя этилиши керак.

Стояновга кўра, савияси паст, таҳқирлаш маъносига эга санъат тури билан таъқиқлар эмас, балки тарбия ва маърифат орқали кураш олиб бориш лозим.

«Тарбия ва таълим бир қарашда унчалик сермаҳсул ва тезкор натижани бермасада, лекин бу ушбу муаммони ҳал этишнинг асосий йўлидир», — дейди артист.

Эслатиб ўтамиз, «Ўзбекконцерт» эстрада оламида болалаб кетган «бемаза ва уятсиз ҳазилларга» қарши курашиш мақсадида республикада «Юмористлар клуби»ни ташкил этиш таклифи билан чиқмоқда. Ушбу ташаббус қизиқчи Ҳалима Ибрагимова ва «Браво» гуруҳи билан юз берган можародан кейин илгари сурилган. Улар ижтимоий тармоқдаги уятсиз гаплари, лицензия талабларини бузганликлари ва дастур сценарийсидан четга чиққанликлари учун лицензиядан маҳрум этилганди.

Изоҳ
Асосий янгиликлар
Дунё
Грета Тунберг тўртинчи бор тинчлик бўйича Нобел мукофотига номзод бўлди
Маҳаллий
Тошкент шаҳар Ободонлаштириш бош бошқармасига янги раҳбар тайинланди
Дунё
Совуқ урушни расман якунлаган Буш ва Ельцин, Францияга қочиб кетган машҳур режиссёр — Роман Полански ва “Буюк голланд тошқини”. Кун хронологиясида 1 февраль