Тошкентда ёлғиз боласи билан тиланчилик қилишга мажбур бўлган аёлга Намангандан уй берилди (видео)

Тошкент шаҳар ИИББ мультимедиа марказининг хабар беришича, бундан бир ой аввал ички ишлар ходимлари «Хожа Аҳрор Валий» масжиди ёнида ёш боласи билан ўтирган Муяссар исмли аёлнинг вазиятини ўрганиб унга ёрдам берган. Аёлнинг сўзларига кўра, у бир неча кун боласи билан кўчада қолиб кетган, бекатларда тунашга мажбур бўлган, дея хабар бермоқда «Xabar.uz».

Шундан сўнг, аёлнинг фарзанди Тошкент шаҳар онкология шифохонасига жойлаштирилган, аёлнинг номига пластик карточка очилган, унга имкон қадар моддий ёрдам кўрсатилди. «Севимли» телеканалининг «Замон» информацион дастурида маълум қилинишича, Ўзбекистон Хотин-қизлари қўмитаси раиси Танзила Норбоева ҳам мазкур аёл билан учрашиб, унга бошпана топишда кўмак берилишини маълум қилган.

Натижада Хотин-қизлар қўмитаси ёрдами билан аёлга Наманган шаҳридан бир хоналик уй берилган.