Вилоят ҳокими садоқати, ҳалоллиги ва меҳнатсеварлиги билан бошқаларга ўрнак бўлиши керак. Шавкат Мирзиёев бу ҳақда Наманганда бўлиб ўтган фаоллар йиғилишида таъкидлади, дея хабар беради «Дарё» мухбири.
Давлат раҳбарига кўра, Наманган вилояти ҳокими Хайрулло Бозоров шундай хислатларга эга.
— Асосийси, Хайрулло Бозоров бефарқ эмас, ташаббускор, кўп таклифлар айтади. Унга ишонаман ва катта ваколатлар бераман, — деди давлат раҳбари.
Шавкат Мирзиёев келгусида ҳудудлардаги муҳит, раҳбарлар, хусусан, ҳокимлар ва уларнинг ўринбосарлари фаолиятини ўрганадиган, бевосита Президентга бўйсунадиган тузилма иш олиб боришини билдирди.
Маълумот учун, Наманганда Президент раислигидаги вилоят фаоллари йиғилиши 5 соатдан ошиқ давом этди.
Изоҳ (0)