26 февраль куни Фарғона вилоят ҳокимлиги молия бош бошқармасининг бош юристконсулти лавозимидан ноқонуний бўшатиб юборган Я.Эргашев ишга қайта тикланди. Бу ҳақда Касаба уюшмалари Федерацияси матбуот хизмати маълум қилди.
Маълум бўлишича, фуқаро ушбу масала юзасидан Ўзбекистон касаба уюшмалари Федерациясига мурожаат қилиб, ишга тиклашда амалий ёрдам сўраган.
Аниқланишича, Фарғона вилоят ҳокимлиги молия бош бошқармаси фуқаро Я.Эргашевни меҳнат шартномасини бекор қилиши тўғрисида огоҳлантирган. Лекин, иш берувчи томонидан касаба уюшмасига фуқаро Я.Эргашев билан тузилган меҳнат шартномасини бекор қилишга розилик сўраб киритилган тақдимномага рад жавоби берилишига қарамай фуқаро Я.Эргашев билан тузилган меҳнат шартномаси ходимнинг малакаси етарли бўлмаганлиги муносабати билан бекор қилинган.
Фарғона вилояти Касаба уюшмалари ташкилотлари бирлашмаси томонидан фуқаро Я.Эргашевнинг қонуний ҳақ-ҳуқуқларини тиклаш мақсадида Фуқаролик ишлари бўйича Фарғона туманлараро судига ишга тиклаш ва бекор юрган кунидан ишга тиклангунга қадар ўртача ойлик иш ҳақи тўлаб бериш тўғрисида даъво ариза киритилган.
Натижада фуқаро Я.Эргашев билан тузилган меҳнат шартномасини бекор қилиш ҳақидаги буйруқ бекор қилиниб, мажбурий бекор юрган вақти учун 4 миллион 844 минг сўм иш ҳақи ундириб берилган.
Изоҳ (0)