23 февраль куни Самарқанд вилояти Пахтачи тумани 2-умумтаълим мактабининг Ёшларни чақириққача тайёрлаш фани ўқитувчиси Д.Б. мактабнинг 11-синф ўқувчиси Ж.Х.ни уриб тан жароҳати етказган. Олинган тан жароҳати натижасида Ж.Х.нинг талоғи ёрилиб кетган. Бу ҳақда «Дарё» мухбири Фарҳод Норбўтаев хабар бермоқда.
Маълумотларга кўра, Ж.Х. мактабга форма билан келмагани учун мактабнинг ёшлар етакчиси А.Ғ. ўқувчининг бошига линейка (жадвал таёқ) билан урган. Воқеа айнан шундан бошланган. Шундан сўнг мактаб ўқитувчиси Д.Б. ҳам уни урган. Бироқ Д.Б. нима сабабдан Ж.Х.ни урганлиги ҳозирча номаълум.
«Дарё» ўқувчининг калтакланиши ҳолати бўйича Самарқанд вилояти ИИБга мурожаат қилди. Ушбу мурожаатдан сўнг вилоят ИИБ ҳолат бўйича суриштирув ишларини бошлади.
Изоҳ (0)