26 февраль куни Халқ депутатлари Фарғона вилоят, шаҳар ва туман кенгашларининг қўшма сессияси бўлиб ўтди. Унда ташкилий масала кўрилди. Файзулла Қосимов Фарғона вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари этиб тайинланди. Бу ҳақда вилоят ҳокимлиги матбуот хизмати «Дарё»га маълум қилди.
Файзулла Қосимов 1972 йилда Бағдод туманида туғилган, 1995 йилда Тошкент ирригация ва қишлоқ хўжалигини механизациялаш муҳандислари институтини тамомлаган.
Меҳнат фаолияти давомида Фарғона вилояти Меҳнат ва аҳолини ижтимоий муҳофаза қилиш бош бошқармаси бошлиғи, Фарғона вилояти ҳокимининг маънавий-маърифий ишлар бўйича ёрдамчиси, вилоят фуқароларнинг ўзини ўзи бошқариш органлари фаолиятини мувофиқлаштириш бўйича кенгаш раисининг диний-маърифий масалалар бўйича ўринбосари, Бандлик ва меҳнат муносабатлари вазирлигининг кам таъминланган оилаларга нафақалар тўланишини мониторинг қилиш бошқармаси бошлиғи ўринбосари каби вазифаларда ишлаган.
Изоҳ (0)