БМТ халқаро суди 1965 йилда Чагос архипелагини Маврикийдан ажратилишини ноқонуний деб топди ва Буюк Британияни Ҳинд океанидаги ороллар устидан назоратдан воз кечишга чақирди. Бу ҳақда «РБК» хабар бермоқда.
Судга кўра, 1970 йилларда Лондон АҚШ авиабазаси учун жой ажратиш мақсадида ороллар аҳолисини ушбу ҳудудларни тарк этишга зўрлик билан мажбур қилган.
Суд раиси Абдулкави Юсуфнинг баёнотида «Британия Чагос ороллари бошқарувига чек қўйиши ва уларни Маврикийга топшириши зарурлиги» кўрсатилган.
Маълумот учун, 60 дан ортиқ тропик оролдан иборат Чагос архипелагида бугунги кунда 3 мингга яқин британиялик ва америкалик ҳарбийдан иборат контингент жойлашган.
Изоҳ (0)