«Голливуд қироли» Кларк Гейблнинг набираси вафот этди

«РБК»да Артём Филипенокнинг «Кларк Гейбл III нинг ўлими ҳақида»ги мақоласи чоп этилди. Мақола қуйида тўлиғича берилди.

Техасда «Голливуд қироли» деб аталувчи киноюлдуз  Кларк Гейблнинг набираси Кларк Гейбл III вафот этди.

Унинг ўлими ҳақида TMZ’га қариндошлари хабар берди. Ўттиз ёшли шоумен ўз ётоғида ухлаб ётган пайти жон берган. Ўлимининг сабаби ҳозирча номаълум.

Кларк Гейбл III актёр бўлган. Бутун ҳаёти давомида у доим мухлислар уни бобоси билан боғлашларини эмас, балки унинг ижодини қадрлашларини хоҳлаганини айтар эди.

Лекин у 17 та фильмда суратга тушган бўлса ҳам, ҳали катта муваффақиятларга эришишга улгурмаган эди. Унинг ижодий фаолиятининг энг юқори нуқтаси

«Обманшики» реалити шоусининг иккита мавсумида қатнашгани бўлди.

Кларк Гейбл III кенг оммага 2011 йилда 10 кунга озодликдан маҳрум қилинганида анча танилиб қолган эди. У Лос-Анжелесда полиция вертолёти учувчисини лазерли ускуна билан кўр қилиб қўйгани учун жазо олган.

Кларк Гейбл ўз фаолияти давомида ўнлаб фильмларда суратга тушган, 1935 йилда «Тунларнинг бирида содир бўлди» фильмидаги роли учун «Оскар» мукофотини олган. У шунингдек, «Шамолларда қолган ҳисларим», «‘Баунти’га исён», «Муаллимнинг эркатойи», «Мен учун эмас» фильмларида ҳам суратга тушган.