“RBK”da Artyom Filipenokning “Klark Geybl III ning o‘limi haqida”gi maqolasi chop etildi. Maqola quyida to‘lig‘icha berildi.
Texasda “Gollivud qiroli” deb ataluvchi kinoyulduz Klark Geyblning nabirasi Klark Geybl III vafot etdi.
Uning o‘limi haqida TMZ’ga qarindoshlari xabar berdi. O‘ttiz yoshli shoumen o‘z yotog‘ida uxlab yotgan payti jon bergan. O‘limining sababi hozircha noma’lum.
Klark Geybl III aktyor bo‘lgan. Butun hayoti davomida u doim muxlislar uni bobosi bilan bog‘lashlarini emas, balki uning ijodini qadrlashlarini xohlaganini aytar edi.
Lekin u 17 ta filmda suratga tushgan bo‘lsa ham, hali katta muvaffaqiyatlarga erishishga ulgurmagan edi. Uning ijodiy faoliyatining eng yuqori nuqtasi
“Obmanshiki” realiti shousining ikkita mavsumida qatnashgani bo‘ldi.
Klark Geybl III keng ommaga 2011-yilda 10 kunga ozodlikdan mahrum qilinganida ancha tanilib qolgan edi. U Los-Anjelesda politsiya vertolyoti uchuvchisini lazerli uskuna bilan ko‘r qilib qo‘ygani uchun jazo olgan.
Klark Geybl o‘z faoliyati davomida o‘nlab filmlarda suratga tushgan, 1935-yilda “Tunlarning birida sodir bo‘ldi” filmidagi roli uchun “Oskar” mukofotini olgan. U, shuningdek, “Shamollarda qolgan hislarim”, “‘Baunti’ga isyon”, “Muallimning erkatoyi”, “Men uchun emas” filmlarida ham suratga tushgan.
Izoh (0)