Олимларнинг халқаро гуруҳи мис ва органик моддалардан биологик фаол бирикмани синтезлади. Натижада мис атоми ва уни ўраб олган лигандлар — марказий атом билан боғланган комплекслардан ташкил топган каттагина молекула пайдо бўлди. Янги бирикма ўзининг замонавий муқобилларига нисбатан кучли антибактериал эффектга эга. Ишлаб чиқаришда эса нархи арзонга тушади.
Мис комплексларининг биологик фаоллиги тажрибаларда ўрганилиши натижасида олимлар шундай хулосага келди, янги бирикма бактерияларни тоза лигандга қараганда кучлироқ нобуд қилади, лекин айни вақтда замбуруғларга нисбатан камроқ самарадор. Янги таркибнинг таъсир эффективлиги унинг организмда парчаланишига эмас, балки бактериянинг айнан маълум қисмига таъсир этишига боғлиқ, деб хабар бермоқда «Phys.org». Молекулаларни ҳужайрага кўчириб олиб кирувчи металл ва органик лигандлар бирикмаси биологик жараёнларда муҳим рол ўйнайди. Бундай моддалардан инфексион, вирусли, онкологик ва метаболик бузилишларнинг диагностикаси ва давосида фойдаланиш мумкин.
Мис ионлари аэроб организмлар — ўсимликлар, ҳайвонлар ва микроорганизмлар учун катта аҳамиятга эга. Чунки у кислород молекуласини транспорт оқсилларига бирикишида ва электронларни кўчириб ўтказишда қатнашади. Мис оксиди комплексларига перспектив антибактериал агентлар ва платина асосидаги ўсмаларга қарши препаратлар учун алтернатив дори моддалари сифатида қаралмоқда.
Яқинда дори моддасини касалланган аъзога етказиб берадиган кичик ўлчамли биореактив двигателга эга таблеткалар ишлаб чиқилган эди.
Изоҳ (0)