17 февраль, якшанба куни футбол бўйича Италия чемпионатининг 24-тури доирасида 6 та беллашув бўлиб ўтди.
Симоне Инзаги бошқарувидаги «Лацио» клуби сафарда «Женоа» меҳмони бўлди.
Учрашувнинг 44-дақиқасида «Лацио» ярим ҳимоячиси Милан Бадель ҳисобни очган бўлса, 75-дақиқага келиб Антонио Санабриа ҳисобни тенглаштирди. Ўйиндаги сўнгги гол 90-дақиқада киритилди. Унга мезбон жамоа аъзоси Доменико Кришито муаллифлик қилди (2:1).
Шу тариқа «Лацио» меҳмонда «Женоа» клубига мағлуб бўлди ва 3 очкодан маҳрум бўлди.
Мусобақа жадвалида 3-ўринда бораётган Миланнинг «Интер» клуби «Жузеппе Меацца» стадионида «Сампдория» жамоаси билан жанг қилди.
Беллашувнинг 73-дақиқасида Данило Д'Амброзио ўйиндаги дастлабки голни урган бўлса, 76-дақиқага келиб захирадан майдонга тушган Маноло Габбиадини ҳисобни тенглаштирди. Орадан икки дақиқа ўтиб, Ража Наингголан Милан Шкриньяр узатмасини голга айлантирди ва жамоасига ғалабани тақдим этди (2:1).
Куннинг сўнгги ўйинида Карло Анчелотти қўл остидаги «Наполи» клуби ўз майдонида «Торино» билан баҳсга киришди.
Учрашув давомида дарвозалар дахлсизлиги сақланиб қолди ва жамоалар бир очкодан бўлишиб олди.
А Серия
24-тур баҳслари
17 февраль, якшанба
СПАЛ—«Фиорентина» 1:4
Голлар: 1:0 — 36 Петанья, 1:1 — 44 Фернандес, 1:2 — 79 Верето, 1:3 — 81 Симеоне, 1:4 — 88 Жерсон«Эмполи»—«Сассуоло» 3:0
Голлар: 1:0 — 34 Крунич, 2:0 — 37 Акуах, 3:0 — 60 Фариас«Женоа»—«Лацио» 2:1
Голлар: 0:1 — 44 Бадель, 1:1 — 75 Санабриа, 2:1 — 90 Кришито«Удинезе»—«Кьево» 1:0
Гол: 1:0 — 86 Теодорчик«Интер»—«Сампдория» 2:1
Голлар: 1:0 — 73 Д'Амброзио, 1:1 — 76 Габбиадини, 2:1 — 78 Наингголан«Наполи»—«Торино» 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)