17-fevral, yakshanba kuni futbol bo‘yicha Italiya chempionatining 24-turi doirasida 6 ta bellashuv bo‘lib o‘tdi.
Simone Inzagi boshqaruvidagi “Latsio” klubi safarda “Jenoa” mehmoni bo‘ldi.
Uchrashuvning 44-daqiqasida “Latsio” yarim himoyachisi Milan Badel hisobni ochgan bo‘lsa, 75-daqiqaga kelib Antonio Sanabria hisobni tenglashtirdi. O‘yindagi so‘nggi gol 90-daqiqada kiritildi. Unga mezbon jamoa a’zosi Domeniko Krishito mualliflik qildi (2:1).
Shu tariqa “Latsio” mehmonda “Jenoa” klubiga mag‘lub bo‘ldi va 3 ochkodan mahrum bo‘ldi.
Musobaqa jadvalida 3-o‘rinda borayotgan Milanning “Inter” klubi “Juzeppe Meatssa” stadionida “Sampdoriya” jamoasi bilan jang qildi.
Bellashuvning 73-daqiqasida Danilo D’Ambrozio o‘yindagi dastlabki golni urgan bo‘lsa, 76-daqiqaga kelib zaxiradan maydonga tushgan Manolo Gabbiadini hisobni tenglashtirdi. Oradan ikki daqiqa o‘tib, Raja Nainggolan Milan Shkrinyar uzatmasini golga aylantirdi va jamoasiga g‘alabani taqdim etdi (2:1).
Kunning so‘nggi o‘yinida Karlo Anchelotti qo‘l ostidagi “Napoli” klubi o‘z maydonida “Torino” bilan bahsga kirishdi.
Uchrashuv davomida darvozalar daxlsizligi saqlanib qoldi va jamoalar bir ochkodan bo‘lishib oldi.
A Seriya
24-tur bahslari
17-fevral, yakshanba
SPAL—“Fiorentina” 1:4
Gollar: 1:0 — 36 Petanya, 1:1 — 44 Fernandes, 1:2 — 79 Vereto, 1:3 — 81 Simeone, 1:4 — 88 Jerson“Empoli”—“Sassuolo” 3:0
Gollar: 1:0 — 34 Krunich, 2:0 — 37 Akuax, 3:0 — 60 Farias“Jenoa”—“Latsio” 2:1
Gollar: 0:1 — 44 Bedel, 1:1 — 75 Sanabria, 2:1 — 90 Krishito“Udineze”—“Kyevo” 1:0
Gol: 1:0 — 86 Teodorchik“Inter”—“Sampdoriya” 2:1
Gollar: 1:0 — 73 D’Ambrozio, 1:1 — 76 Gabbiadini, 2:1 — 78 Nainggolan“Napoli”—“Torino” 0:0
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)