Ота-бола Скрипаллар заҳарланган Солсберидаги черковга Россия байроғи илиб қўйилди

Британияда собиқ ГРУ жосуси Сергей Скрипал ва унинг қизи Юлия заҳарланган Солсбери шаҳри черковига Россия байроғи илиб қўйилди. Бу ҳақда Meduza хабар бермоқда.

Черков деворларидан биридаги қурилиш ҳавозаларидан бирига ўрнатилган байроқ 17 февраль куни эрталаб пайқалган.

Орадан бир неча соат ўтиб байроқ олиб ташланди. Черков бош руҳонийси Николас Пападопулос юз берган воқеани «ўта аҳмоқона қилмиш» деб баҳолади.

Маълумот учун, яна икки ҳафтадан сўнг Солсберида Скрипаллар заҳарланганига бир йил тўлади.