15 февраль куни Стокгольм уезд суди Telia телекоммуникация компанияси раҳбариятига кирган шахслардан айбловларни олиб ташлади, деб ёзади «Yle.fi».
Улар орасида компания собиқ бош директори Ларс Ньюберг ва собиқ директор ўринбосари Теро Кивисаари ҳам бор, улар Ўзбекистонда бизнес юритиш имкониятига эга бўлиш мақсадида Гулнора Каримовага пора берганликда гумон қилинган эди.
Можаро бир неча йил аввал, Telia 2004—2012 йилларда Ўзбекистон ҳукуматига алоқаси бўлган сохта компания ҳисобига 800 миллион долларга яқин маблағ ўтказгани маълум бўлгач, юзага келган эди. Нидерлания ва АҚШ ҳукуматлари 2014 йилдан Telia’нинг 2007 йилда ўзбек бозорига кириб боришини текширишни бошлади, 2016 йилда эса компанияга 1,25 миллиард евро жарима солди.
2015 йилда компания Евросиё бозоридан чиқишга қарор қилди. 2017 йил сентябрида уч нафар собиқ раҳбарларга коррупция бўйича айблов эълон қилинди, учаласи ҳам ўз айбини рад этди.
Изоҳ (0)