Жўрабек Турсунпўлатович Мирзамаҳмудов Энергетика вазирининг биринчи ўринбосари этиб тайинланди. У, шунингдек, Ўзбекистон Вазирлар Маҳкамаси ҳузуридаги Атом энергетикасини ривожлантириш агентлиги бош директори лавозимини сақлаб қолди. Бу ҳақда агентлик маълумотига таяниб, «Газета.uz» хабар бермоқда.
Жўрабек Мирзамаҳмудов (1979 йилда туғилган) 2001 йилда «Умид» жамғармаси йўлланмаси бўйича Алабама университетини (АҚШ), 2005 йилда эса Тошкент кимё-технология институтини тамомлаган.
Бунга қадар Вазирлар Маҳкамасининг ёқилғи-энергетика комплексини ривожлантириш бўйича Ахборот-таҳлилий департаменти раҳбари лавозимида ишлаган. «Ўзкимёсаноат» бошқарув раиси ўринбосари ва иқтисодиёт вазири ўринбосари лавозимларида фаолият юритган. 2018 йилнинг июнидан «Ўзатом» агентлигини бошқариб келмоқда.
Ўзбекистон Энергетика вазирлиги Президентнинг 1 февраль кунги қарори билан ташкил этилган.
Изоҳ (0)