Ижтимоий тармоқлардаги трендлар: Яна сериаллар. Пойтахтни кўчириш таклифи

Ижтимоий тармоқларни қизитаётган долзарб мавзулар муҳокаларини кузатишга тайёрмисиз?

Ўт балоси, сув балоси… Сериал балоси?

Дастлабки муҳокама — одамларнинг телеканалларда берилаётган турк сериалларига салбий муносабати акс этган постлари оммалашди.

Муҳаммад Шакур

Турк сериаллари бизга нима беряпти?

Жуда кўп нарса, масалан — болаларни бола пайтиданоқ севишишга, севишганларни учрашишга, учрашганларни тунашга, тунашганларни ДНК текширувига. Никоҳ??? У мутлақо шарт эмас!

Хотинига бир марта қаттиқ гапирса, келишган ҳимоячи йигит унинг учун туриб беради. Кимдан? Эридан ҳимоя қилиб беради. Турк сериалларида она ёки қайнона типажининг мутлақо ўрни йўқ, кераксиз кадр (инсон). Бир сўз билан айтганда, бу каби соати соатига уланувчи сериаллар яқинда «мева» беришни бошлайди!

Эфирга узатилаётган турк сериалларининг ҳатто номини ҳам адаштириб юборасиз кўплигидан. Улардаги воқеалар ёшларимизни, айниқса аёлларни фикр-у хаёлини аста-секин ўзгартирмай қўймайди. «Ҳовли», «Сўйла Қора денгиз» ва шу каби ўнлаб сериаллар нима мақсадда эфирга узатиляпти?

Ёшлар тарбиясини, дунёқарашини, ота-онага ҳурмат, меҳр-муҳаббат, оқибатини шакллантирадиган, ижобий таъсир кўрсатадиган фильмлар, сериаллар кўп-ку. Нега бир эстрада хонандасининг клипи бадиий кенгашдан ўтмаса, шов-шув, лицензияси бекор, лекин ойлаб давом этадиган бундай сериалларни эфирга узатувчи телеканалларни назорат қилишмайди?

«Kun.uz» кундалиги

1)Мухташам юз йил
2) Истамбуллик келин
3)Ҳовли
4) Сўйла қораденгиз
5)Фазилат хола кизлари 6)Эртугул
7) Ичкарида
8) Ниҳон ўйнаётган қанақадир сериал
9) Гул пул ишқ
10) Аёл

4 та каналда бераётган ТУРК сериаллари. Очиғи, зб.
Майли, демократия, аммо бунчаликмасда энди, ижодкорлар

— Herolion (@Aslanov_K) February 6, 2019

Мадина Мўминова

Турк сериаллари: (бироз ўхшатиш)

«Ҳовли»

Мен бугун икки соатлик қисмини кўз юммай кўрдим. Ундаги воқеликлар шуки:

Қотил ва жиноятчи инсон бу аёл (андижонли аёл ўз боласини ишлаш мақсадида ўлдиргани ва куни кеча Самарқандда ўйнаши борлиги сабабидан икки норасидасини ўлдирган аёл).

Суд ва ҳуқуқ органларининг сунъий ахборот тарқатилиши оқибатида айни айбдорлик ўчоғи қолиб, унга қарши курашаётганларни елкаларини ерга текизиш ҳаракати (бугунги суд мажлиси).

Отанинг қўрқоқлигини пеш қилиб, аёлнинг ҳукмронлик қилиши (Фарғонада эри ишламайдиган аёл, балоғат ёшига етмаган қизини фоҳишаликка мажбурлагани).

Ишдаги ишқ... (бунга мисоллар вип… саноқсиз ва кунда-шунда учрайди).

«Ҳовли»дан «илҳомланиб» инсонийлик, менталитет, ўзбекона андиша, аёл ожиза каби атамалардан «чарчаган» «муҳтарама»ларнинг янгидан-янги хабарлари тарқалса ҳам ёқа тишламайман. Чунки ZO‘R TV «зўр». Бундан бир неча кун аввал ёзилган ва муаллифсиз тарқатилган бир постимда айтганман: бизга турк сериаллари ўз мевасини беришни бошлади.

Ҳая, муҳимроғи: биронта сериал қаҳрамон ва иштирокчиларида кийиниш борасида «маънавият» қолмапти! Маҳалла қаёққа қараяпти… дермиди?

olajon kanal ko'rayotgandik men twitterda lenta o'qiyotgandim, hozirgina bolalarning "zo'r tv ni qo'yinglar, hovli boshlandi, Denis ko'ramiz, Kudret ko'ramiz" gaplari qulog'imga chalindi. Na kulishni biladi odam na yig'lashni, 7-8 yoshli bolacha qizchalar uje serialoman

— Sharif (@Sharrifbek) February 4, 2019

Telegram-каналларда нима гаплар?

Блогер Ғайрат Йўлдош «Бугуннинг гапи» Telegram-каналида кутилмаган таклиф кўтариб чиқди. Блогер уни-буни эмас, бутун бошли пойтахтни ўзгартириш таклифи билан чиқди ва буни ўз мақоласида асослаб берди. Қизиқарли пост чиққан, тўлиқ ўқиб чиқилса арзийди. Тошкент пропискасини кутиб ўтирмасдик ҳарҳолда, нима дедингиз?

Журналист Элдор Асанов ўзининг «Асанов формати» Telegram-каналида жуда қизиқарли пост қўйибди — мактабларда тарих фани ўқитилишининг зарари ҳақида. Муаллиф фикрини ҳар тарафлама ва қизиқарли асослаган.

Юрист ва блогер Хушнудбек Худойбердиев ўзининг «Xushnudbek.uz»  каналида ҳар куни кечки маҳал кичик ҳикоялар қўйиб бормоқда. Ҳикояга кетадиган вақтни ҳам айтиб кетади, одамлар вақтидан қизғанмасин деб. Ҳафта сўнгида эса уларни жамлаб битта файлга қўяди. Ажойиб тарғибот. Ижтимоий тармоқда бўш вақтингизда ҳикоялар ўқиб борасиз.

Машҳур блогер ва журналист Муҳрим Аъзамхўжаев ўз номидаги каналида аччиқ-аччиқ гаплари билан муштарийларини ҳурматини қозонган. Кеча у порталнинг фаолияти ва унга йўлланган энг топ мурожаатларни йиғиб, қизиқарли пост қилибди. Куласиз ҳам, куясиз ҳам.

Telegram ва Facebook’да фаолият олиб борувчи «Troll.uz» канали одатдагидек жамиятдаги камчиликларни ўз йўналишда ҳажв остига олган. Бу сафар ўзбек халқ мақолларининг ремикси тузиб чиқилибди.

Facebook’даги ҳазил ва залворли постлардан келтирамиз.

Музаффар Неъматов

Замонавий ОАВнинг фаолияти

Баҳриддин Асрор

500 сўмлик танга чиқибди. Бир ҳовуч чўнтагимда уйга обедга кириб кетаётувдим, ўғлим ўқишдан қайтаётганини кўриб қолиб тўхтадим. Чўнтагимдаги тангалардан эски бойлардек шарақлатиб бир нечтасини олиб:

- Мана бу икки ақчага муюлишдаги нонвойдан иссиқ нон олгин, мана бу тўрт тангага сомса олгин, тушлик қиламиз бўтам.

- Хўп бўлади ада!

- Ие, ие, ие адамааас, дада дегин болам, биз Қайқиданмиз, — деб қўйдим.

Фируз Аллаев

Телевизорни қўйсам «Маҳалла» телеканалидан 90 йилларда олинган «Кўнгил кўчалари» деган сериални қўяётган экан. Кўринишидан ва видео сифатидан сериал 90 йилларда суратга олинган. Сериал менга қизиқ эмас, мени ҳайрон қолдиргани сериалдаги шаҳар манзаралари, яъни пейзаж бўлди. Ям-яшил дарахтларга бурканган, ҳақиқий дарахтзор бўлган Тошкент шаҳри. Яшилликка қайта-қайта қарадим, одамни кўзи тўймайди. Буни кўриб туриб бор-йўғи 20 йиллар олдин Тошкент ям-яшил, бир неча ўн йиллик, балки юз йиллик дарахтларга тўла шаҳар бўлганини, ўша вақтда деярли арчалар бўлмаганини тушундим.

Бу тезликда дарахтларнинг умрига зомин бўлишда давом этсак, ўзи шундоқ ҳам экологик ҳалокат ёқасида турган минтақада жойлашган Тошкент шаҳри яна 20 йилдан кейин қанақа аҳволга келишини ўйлаш қўрқинчли.

PS: Ҳозиргина бир ҳурматли акамиз аниқлик киритдилар, сериал 1998 йил суратга олинган экан.

Ҳайдовчига осонмаслигини куни-кеча ҳайдовчи Мавлон Марасулов тан олди.

Мавлон Марасулов

Рулга ўтирганимга бир ҳафта бўлди, аммо шу бир ҳафта ичида бир йилга қаридим десам ишонаверинг. Олдин пиёда юрганимда эътибор бермаган эканман. Йўлларимизда тартиб, ҳурмат деган нарсалар жуда кам учрар экан. Ҳозир шу бир ҳафта ичида кузатганларимни бирма-бир санаб ўтаман:

#Шарпалар: йўқ ердан олдингизда пайдо бўлади, поворотникни ҳам ёқмайди, ҳаракатланишга халақит беради.

#Sklerozlar: поворотникни ёқиш доим эсидан чиқаверади.

#Millimetrchilar: дистанция сақлашни билмайди, доим яқин ҳайдайди.

#Kўзи_очиқ_сўқирлар: белгини кўриб ҳам унга амал қилмайди.

#Beqatorlar: йўл қатори отасидан қолгандай истаган жойида юради.

#Ўғрилар: ўзига тегишли йўлдан юрмасдан, бошқа йўналишга ажратилган йўлларга ҳам чиқиб, бошқаларнинг ҳақини ўғирлайдиганлар.

#Tormozlar: истаган ерида тўхтаб, ҳаракатланишга халақит берадиганлар.

#Ovchilar: клиент овлаб, истаган ерида истаганча ва истаган вақт гаплашадиган таксистлар.

Бомба хабар!!! Қишлоғимизга бир дона қор парчаси тушибди

— Гудмунингтичр (@Hazilku) February 6, 2019

Кеча ФБда тўрт ўғлини толибонлар урушда ўлдирган, невараларини боқиш учун гадойлик қилаётган афғонистонлик ўзбек кампирни видеосини кўриб қолдим.
Остидаги комментлардан бири:
- Кампирнинг ўзи айбдор, ўғилларини аскарликка жўнатиб нима қиларди?

— Anomal EŞON (@eshonbova) February 5, 2019

Телефонсиз юрсам, битта ўзим юрганга ўхшаб қоляпман.....)©

— Звукооператор (@apparatura82) February 5, 2019

Bittasi Venesuelada 90% odam qashshoq, bizga o'xshaydi debdi. 90% aholisi qashshoq bo'lgan yurtda uylar qurilmay turib sotilmasligi, moshinlar hali zavoddan chiqmay navbatda turib (kerak bo'lsa pora berib) sotib olinmasligi kerak-ku? Yoki hammasini qogan 10% sotib oloptimikin?))

— Droopy (@qishloqlik) February 5, 2019

Биттаси фейсбукга Абдулла Ориповни "Мен нечун севаман Узбекистонни" деган шерини жойлаган экан. Энди шу шерни укийман десам липпайтиб свет учиб турибдику. )))

— Izzatillo (@Izzatillo_7) February 4, 2019

https://twitter.com/ch0k0ti727/status/1092641559470854145

Ўқитувчи дарсга кириб, ўқувчиларни диққатини тортиш учун доскага: "Диққат! Бомба мавзу"-, деб ёзиб қўйибди. ))

— Элмурод Эрматов (@elmurod6904) February 5, 2019

Окулист қабулида:
- Айтингчи мен сизга қайси харфни курсатаяпман?
-А, узингиз қанисиз...
😂 😂

— Razzokov (@razzokov_aa) February 5, 2019

Ижтимоий ҳаётдаги воқеа-ҳодисаларни биз билан кузатишда давом этинг. Айтганча, ижтимоий тармоқдаги иқтибосларнинг кейингилари сиздан олиниши ҳам мумкин, фаол бўлинг!

Исроил Тиллабоев тайёрлади