Самарқандда янги туристик йўналишлар бўйича инфо-тур ташкил этилди

Самарқанд вилоят ҳокимлиги туризмни ривожлантириш департаменти томонидан вилоятда фаолият олиб бораётган 30 дан ортиқ туристик компаниялар учун инфо-тур ташкил этилди. Бу ҳақда «Zarnews.uz» хабар бермоқда.

Самарқанд вилоятининг ҳамда туристик компанияларнинг салоҳиятини ошириш мақсадида ташкил этилган мазкур инфо-турда иштирокчиларга «Шероз қалъа» археология ёдгорлиги, «Сой» ресторани ва экопарки, «Зарафшон» миллий боғи ҳамда «Боғизоғон» вино заводи каби янги йўналишлар таништириб ўтилди.

Инфо-тур иштирокчилари янги туристик йўналишлар ҳақида батафсил маълумотга эга бўлиб, мавжуд шарт-шароитлар билан танишди.

Иштирокчилар ушбу инфо-турда тақдим этилган янги йўналишлар келгусида Самарқанд вилоятининг туристик салоҳиятини янада оширишига ҳамда туристларнинг вилоятда бўлиш муддатларининг камида 3 суткага етказилишига замин яратишини билдирди.