Ijtimoiy tarmoqlardagi trendlar: Yana seriallar. Poytaxtni ko‘chirish taklifi

Ijtimoiy tarmoqlarni qizitayotgan dolzarb mavzular muhokalarini kuzatishga tayyormisiz?

O‘t balosi, suv balosi… Serial balosi?

Dastlabki muhokama — odamlarning telekanallarda berilayotgan turk seriallariga salbiy munosabati aks etgan postlari ommalashdi.

Muhammad Shakur

Turk seriallari bizga nima beryapti?

Juda ko‘p narsa, masalan — bolalarni bola paytidanoq sevishishga, sevishganlarni uchrashishga, uchrashganlarni tunashga, tunashganlarni DNK tekshiruviga. Nikoh??? U mutlaqo shart emas!

Xotiniga bir marta qattiq gapirsa, kelishgan himoyachi yigit uning uchun turib beradi. Kimdan? Eridan himoya qilib beradi. Turk seriallarida ona yoki qaynona tipajining mutlaqo o‘rni yo‘q, keraksiz kadr (inson). Bir so‘z bilan aytganda, bu kabi soati soatiga ulanuvchi seriallar yaqinda “meva” berishni boshlaydi!

Efirga uzatilayotgan turk seriallarining hatto nomini ham adashtirib yuborasiz ko‘pligidan. Ulardagi voqealar yoshlarimizni, ayniqsa ayollarni fikr-u xayolini asta-sekin o‘zgartirmay qo‘ymaydi. “Hovli”, “So‘yla Qora dengiz” va shu kabi o‘nlab seriallar nima maqsadda efirga uzatilyapti?

Yoshlar tarbiyasini, dunyoqarashini, ota-onaga hurmat, mehr-muhabbat, oqibatini shakllantiradigan, ijobiy ta’sir ko‘rsatadigan filmlar, seriallar ko‘p-ku. Nega bir estrada xonandasining klipi badiiy kengashdan o‘tmasa, shov-shuv, litsenziyasi bekor, lekin oylab davom etadigan bunday seriallarni efirga uzatuvchi telekanallarni nazorat qilishmaydi?

“Kun.uz” kundaligi

1)Мухташам юз йил
2) Истамбуллик келин
3)Ҳовли
4) Сўйла қораденгиз
5)Фазилат хола кизлари 6)Эртугул
7) Ичкарида
8) Ниҳон ўйнаётган қанақадир сериал
9) Гул пул ишқ
10) Аёл

4 та каналда бераётган ТУРК сериаллари. Очиғи, зб.
Майли, демократия, аммо бунчаликмасда энди, ижодкорлар

— Herolion (@Aslanov_K) February 6, 2019

Madina Mo‘minova

Turk seriallari: (biroz o‘xshatish)

“Hovli”

Men bugun ikki soatlik qismini ko‘z yummay ko‘rdim. Undagi voqeliklar shuki:

Qotil va jinoyatchi inson bu ayol (andijonli ayol o‘z bolasini ishlash maqsadida o‘ldirgani va kuni kecha Samarqandda o‘ynashi borligi sababidan ikki norasidasini o‘ldirgan ayol).

Sud va huquq organlarining sun’iy axborot tarqatilishi oqibatida ayni aybdorlik o‘chog‘i qolib, unga qarshi kurashayotganlarni yelkalarini yerga tekizish harakati (bugungi sud majlisi).

Otaning qo‘rqoqligini pesh qilib, ayolning hukmronlik qilishi (Farg‘onada eri ishlamaydigan ayol, balog‘at yoshiga yetmagan qizini fohishalikka majburlagani).

Ishdagi ishq... (bunga misollar vip… sanoqsiz va kunda-shunda uchraydi).

“Hovli”dan “ilhomlanib” insoniylik, mentalitet, o‘zbekona andisha, ayol ojiza kabi atamalardan “charchagan” “muhtarama”larning yangidan-yangi xabarlari tarqalsa ham yoqa tishlamayman. Chunki ZO‘R TV “zo‘r”. Bundan bir necha kun avval yozilgan va muallifsiz tarqatilgan bir postimda aytganman: bizga turk seriallari o‘z mevasini berishni boshladi.

Haya, muhimrog‘i: bironta serial qahramon va ishtirokchilarida kiyinish borasida “ma’naviyat” qolmapti! Mahalla qayoqqa qarayapti… dermidi?

olajon kanal ko'rayotgandik men twitterda lenta o'qiyotgandim, hozirgina bolalarning "zo'r tv ni qo'yinglar, hovli boshlandi, Denis ko'ramiz, Kudret ko'ramiz" gaplari qulog'imga chalindi. Na kulishni biladi odam na yig'lashni, 7-8 yoshli bolacha qizchalar uje serialoman

— Sharif (@Sharrifbek) February 4, 2019

Telegram-kanallarda nima gaplar?

Bloger G‘ayrat Yo‘ldosh “Bugunning gapi” Telegram-kanalida kutilmagan taklif ko‘tarib chiqdi. Bloger uni-buni emas, butun boshli poytaxtni o‘zgartirish taklifi bilan chiqdi va buni o‘z maqolasida asoslab berdi. Qiziqarli post chiqqan, to‘liq o‘qib chiqilsa arziydi. Toshkent propiskasini kutib o‘tirmasdik harholda, nima dedingiz?

Jurnalist Eldor Asanov o‘zining “Asanov formati” Telegram-kanalida juda qiziqarli post qo‘yibdi — maktablarda tarix fani o‘qitilishining zarari haqida . Muallif fikrini har taraflama va qiziqarli asoslagan.

Yurist va bloger Xushnudbek Xudoyberdiyev o‘zining “Xushnudbek.uz”  kanalida har kuni kechki mahal kichik hikoyalar qo‘yib bormoqda. Hikoyaga ketadigan vaqtni ham aytib ketadi, odamlar vaqtidan qizg‘anmasin deb. Hafta so‘ngida esa ularni jamlab bitta faylga qo‘yadi. Ajoyib targ‘ibot. Ijtimoiy tarmoqda bo‘sh vaqtingizda hikoyalar o‘qib borasiz.

Mashhur bloger va jurnalist Muhrim A’zamxo‘jayev o‘z nomidagi kanalida achchiq-achchiq gaplari bilan mushtariylarini hurmatini qozongan. Kecha u portalning faoliyati va unga yo‘llangan eng top murojaatlarni yig‘ib, qiziqarli post qilibdi. Kulasiz ham, kuyasiz ham.

Telegram va Facebook’da faoliyat olib boruvchi “Troll.uz” kanali odatdagidek jamiyatdagi kamchiliklarni o‘z yo‘nalishda hajv ostiga olgan. Bu safar o‘zbek xalq maqollarining remiksi tuzib chiqilibdi.

Facebook’dagi hazil va zalvorli postlardan keltiramiz.

Muzaffar Ne’matov

Zamonaviy OAVning faoliyati

Bahriddin Asror

500 so‘mlik tangga chiqibdi. Bir hovuch cho‘ntagimda uyga obedga kirib ketayotuvdim, o‘g‘lim o‘qishdan qaytayotganini ko‘rib qolib to‘xtadim. Cho‘ntagimdagi tangalardan eski boylardek sharaqlatib bir nechtasini olib:

- Mana bu ikki aqchaga muyulishdagi nonvoydan issiq non olgin, mana bu to‘rt tangaga somsa olgin, tushlik qilamiz bo‘tam.

- Xo‘p bo‘ladi ada!

- Iye, iye, iye adamaaas, dada degin bolam, biz Qayqidanmiz, — deb qo‘ydim.

Firuz Allayev

Televizorni qo‘ysam “Mahalla” telekanalidan 90-yillarda olingan “Ko‘ngil ko‘chalari” degan serialni qo‘yayotgan ekan. Ko‘rinishidan va video sifatidan serial 90-yillarda suratga olingan. Serial menga qiziq emas, meni hayron qoldirgani serialdagi shahar manzaralari, ya’ni peyzaj bo‘ldi. Yam-yashil daraxtlarga burkangan, haqiqiy daraxtzor bo‘lgan Toshkent shahri. Yashillikka qayta-qayta qaradim, odamni ko‘zi to‘ymaydi. Buni ko‘rib turib bor-yo‘g‘i 20 yillar oldin Toshkent yam-yashil, bir necha o‘n yillik, balki yuz yillik daraxtlarga to‘la shahar bo‘lganini, o‘sha vaqtda deyarli archalar bo‘lmaganini tushundim.

Bu tezlikda daraxtlarning umriga zomin bo‘lishda davom etsak, o‘zi shundoq ham ekologik halokat yoqasida turgan mintaqada joylashgan Toshkent shahri yana 20 yildan keyin qanaqa ahvolga kelishini o‘ylash qo‘rqinchli.

PS: Hozirgina bir hurmatli akamiz aniqlik kiritdilar, serial 1998-yil suratga olingan ekan.

Haydovchiga osonmasligini kuni-kecha haydovchi Mavlon Marasulov tan oldi.

Mavlon Marasulov

Rulga o‘tirganimga bir hafta bo‘ldi, ammo shu bir hafta ichida bir yilga qaridim desam ishonavering. Oldin piyoda yurganimda e’tibor bermagan ekanman. Yo‘llarimizda tartib, hurmat degan narsalar juda kam uchrar ekan. Hozir shu bir hafta ichida kuzatganlarimni birma-bir sanab o‘taman:

#Sharpalar: yo‘q yerdan oldingizda paydo bo‘ladi, povorotnikni ham yoqmaydi, harakatlanishga xalaqit beradi.

#Sklerozlar: povorotnikni yoqish doim esidan chiqaveradi.

#Millimetrchilar: distansiya saqlashni bilmaydi, doim yaqin haydaydi.

#Ko‘zi_ochiq_so‘qirlar: belgini ko‘rib ham unga amal qilmaydi.

#Beqatorlar: yo‘l qatori otasidan qolganday istagan joyida yuradi.

#O‘g‘rilar: o‘ziga tegishli yo‘ldan yurmasdan, boshqa yo‘nalishga ajratilgan yo‘llarga ham chiqib, boshqalarning haqini o‘g‘irlaydiganlar.

#Tormozlar: istagan yerida to‘xtab, harakatlanishga xalaqit beradiganlar.

#Ovchilar: kliyent ovlab, istagan yerida istagancha va istagan vaqt gaplashadigan taksistlar.

Бомба хабар!!! Қишлоғимизга бир дона қор парчаси тушибди

— Гудмунингтичр (@Hazilku) February 6, 2019

Кеча ФБда тўрт ўғлини толибонлар урушда ўлдирган, невараларини боқиш учун гадойлик қилаётган афғонистонлик ўзбек кампирни видеосини кўриб қолдим.
Остидаги комментлардан бири:
- Кампирнинг ўзи айбдор, ўғилларини аскарликка жўнатиб нима қиларди?

— EŞON (@eshonbova) February 5, 2019

Телефонсиз юрсам, битта ўзим юрганга ўхшаб қоляпман.....)©

— Звукооператор (@apparatura82) February 5, 2019

Bittasi Venesuelada 90% odam qashshoq, bizga o'xshaydi debdi. 90% aholisi qashshoq bo'lgan yurtda uylar qurilmay turib sotilmasligi, moshinlar hali zavoddan chiqmay navbatda turib (kerak bo'lsa pora berib) sotib olinmasligi kerak-ku? Yoki hammasini qogan 10% sotib oloptimikin?))

— Droopy (@qishloqlik) February 5, 2019

Биттаси фейсбукга Абдулла Ориповни "Мен нечун севаман Узбекистонни" деган шерини жойлаган экан. Энди шу шерни укийман десам липпайтиб свет учиб турибдику. )))

— Izzatillo (@Izzatillo_7) February 4, 2019

https://twitter.com/ch0k0ti727/status/1092641559470854145

Ўқитувчи дарсга кириб, ўқувчиларни диққатини тортиш учун доскага: "Диққат! Бомба мавзу"-, деб ёзиб қўйибди. ))

— Элмурод Эрматов (@elmurod6904) February 5, 2019

Окулист қабулида:
- Айтингчи мен сизга қайси харфни курсатаяпман?
-А, узингиз қанисиз...
😂 😂

— Razzokov (@razzokov_aa) February 5, 2019

Ijtimoiy hayotdagi voqea-hodisalarni biz bilan kuzatishda davom eting. Aytgancha, ijtimoiy tarmoqdagi iqtiboslarning keyingilari sizdan olinishi ham mumkin, faol bo‘ling!

Isroil Tillaboyev tayyorladi