5—6 февраль кунлари футбол бўйича Германия Кубогининг 1/8 финал баҳслари доирасида бир нечта беллашув бўлиб ўтди.
5 февраль, сешанба куни Дортмунднинг «Боруссия» клуби ўз майдонида «Вердер»ни қабул қилди.
1-бўлимнинг 5-дақиқасидаёқ меҳмон жамоа аъзоси Милот Рашица ҳисобни очган бўлса, 45-дақиқага келиб «Боруссия Дортмунд» етакчиси Марко Ройс ҳисобни тенглаштирди (1:1).
105-дақиқада Кристиан Пулишич жамоасини ҳисобда олдинга олиб чиқди (2:1). Орадан 3 дақиқа ўтиб, Клаудио Писарро ҳисобни 2:2 кўринишига олиб келди. 113-дақиқада эса Ашраф Ҳакими Максимилиан Филипп узатмасини голга айлантирди. Иккинчи 15-дақиқаликнинг охирги дақиқаларида Милот Рашица ўрнига майдонга тушган Мартин Ҳарник жамоасининг 3-голига муаллифлик қилди (3:3).
Қўшимча бўлимларда ҳам кучлар тенг келди. Пенальтилар сериясида эса «Вердер»нинг қўли баланд келди. Шу тариқа «Боруссия Дортмунд» ўз уйида мағлубиятга учради ва мусобақа билан хайрлашди.
6 февраль, чоршанба куни Мюнхеннинг «Бавария» клуби меҳмонда «Ҳерта» билан жанг қилди.
1-бўлимнинг 3-дақиқасида Максимилиан Миттельштедт ҳисобни очди. Орадан 4 дақиқа ўтиб, Серж Гнабри ҳисобни тенглаштирди (1:1).
2-бўлимнинг 49-дақиқасида Серж Гнабри Хамес Родригес узатган тўпни рақиб дарвозасига жойлаб қўйди ва дублга эришди (2:1). 66-дақиқага келиб эса Деви Зельке ҳисобни 2:2 кўринишига олиб келди.
1-қўшимча бўлимнинг 98-дақиқасида «Бавария» ҳужумчиси Kингсли Коман жамоасининг голига муаллифлик қилди ва ўйинга нуқта қўйди.
Шу тариқа «Бавария» сафарда ғалаба қозонди ва мусобақанинг кейинги босқичига чиқди.
Германия Кубоги
1/8 финал баҳслари
5 февраль, сешанба
«Ҳамбург»—«Ньюрнберг» 1:0
Гол: 1:0 — 54 Озкан.«Ҳайденҳайм»—«Байер Леверкузен» 2:1
Голлар: 0:1 — 44 Бтандт, 1:1 — 47 Доведан, 2:1 — Мультауп.«Дуйсбург»—«Падерборн» 1:3
Голлар: 1:0 — 47 Соуза, 1:1 — 52 Текпетей, 1:2 — 61 Проэгер, 1:3 — 76 Антви-Ажеж.«Боруссия Д»—«Вердер» 3:3 (пенальтилар серияси — 2:4)
Голлар: 0:1 — 5 Рашица, 1:1 — 45 Ройс, 2:1 — 105 Пулишич, 2:2 — 108 Писарро, 3:2 — 113 Ҳакими, 3:3 — 119 Харник.6 февраль, чоршанба
«Ҳолштейн Киел»—«Аугсбург» 0:1
Гол: 0:1 — 85 Грегорич.«Лейпциг»—«Вольфсбург» 1:0
Гол: 1:0 — 9 Куня.«Шальке-04»—«Фортуна Д» 4:1
Голлар: 1:0 — 30 Кутусу, 2:0 — 48 Сане, 3:0 — 53 Ут, 3:1 — 71 Хеннингс, 4:1 — 87 Сане.«Ҳерта»—«Бавария» 2:3
Голлар: 1:0 — 3 Миттельштедт, 1:1 — 7 Гнабри, 1:2 — 49 Гнабри, 2:2 — 66 Зельке, 2:3 — 98 Коман.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)