4 февраль куни АҚШнинг Колорадо штатидаги Colorado Parks and Wildlife боғида югуриш билан шуғулланаётган одам ўзига ҳужум қилган пумани бўғиб ўлдирди, деб ёзади «Zakon.kz».
Хабарда айтилишича, пума дастлаб югураётган кишининг орқасидан келган. Кейин унга ташланиб, тирноқлари билан билагидан ушлаб олган. Эркак бўш қўли билан ердан тош олган ва пума бошига қараб урган. Сўнг уни елкасига чиқиб олиб, ерга йиқитган ва оёқ-қўллари ёрдамида пумани бўғган.
Пума ҳужумидан ўзини ҳимоя қила олган киши қўллари ва юзидаги жароҳатлар билан машинасига ўтириб касалхонага етиб борган.
Colorado Parks and Wildlife боғи вакилларининг айтишича, Колорадода пумалар ҳужуми кам учрайдиган ҳодиса бўлиб, бу вазиятда одамнинг югуриб кетаётгани пума эътиборини тортган бўлиши мумкин.
Изоҳ (0)