Туркиянинг Истанбул шаҳрида саккиз қаватли бино қулаб тушди. Бу ҳақда Anadolu агентлиги хабар бермоқда, деб ёзади «Газета.ru».
Фавқулодда хизматлар ҳодиса жойида қутқарув ишларини бошлаганлиги хабар қилинмоқда.
Уйга ҳуқуқ-тартибот органлари ходимлари юборилган. Ҳозирда уйнинг қулаш сабаби номаълумлигича қолмоқда.
Жевизли квартали раҳбари Мемиш Диликлиташнинг маълум қилишича, қулаб тушган турар-жой вайроналари остида 20 дан ортиқ одам бўлиши мумкин.
Қулаган бинонинг ертўла қаватида ателье жойлашган бўлиб, унда 25 киши ишлаган. Шунингдек, уйда 24 та хонадон бўлган.
Диликлиташ бино қулаши олдидан портлаш содир бўлмаганлигини таъкидлаган.
Изоҳ (0)