2 февраль, шанба куни футбол бўйича Германия чемпионатининг 20-тур баҳслари доирасида дастлабки 6 та учрашув бўлиб ўтди.
Нико Ковач қўл остидаги «Бавария» клуби сафарда «Байер Леверкузен» жамоаси билан беллашди.
Ўйиннинг 41-дақиқасида Леон Горецка Томас Мюллер узатмасини голга айлантирган бўлса, 53-дақиқага келиб Леон Бэйли ҳисобни тенглаштирди (1:1). Орадан 10 дақиқа ўтиб Кевин Фоллан мезбон жамоани ҳисобда олдинга олиб чиқди (2:1). Учрашувнинг асосий вақти якунланишига 3 дақиқа қолганда Леон Бэйли ўрнига захирадан майдонга тушган Лукас Аларио «Бавария» дарвозасига гол урди ва ғалабани мустаҳкамлади.
Шу тариқа Мюнхен клуби меҳмонда 1:3 ҳисобида мағлубиятга учради ва очко йўқотди.
Мусобақа жадвалини бошқариб бораётган Дортмунднинг «Боруссия» клуби «Айнтрахт Франкфурт» меҳмони бўлди.
Барча голлар учрашувнинг 1-бўлимида урилди. 22-дақиқада Марко Ройс ҳисобни очган бўлса, мезбон жамоа ярим ҳимоячиси Лука Йович ҳисобни тенглаштирди. Беллашув 1:1 ҳисобида якунига етди ва томонлар 1 очкодан бўлишиб олди.
Куннинг охирги учрашуви «Шальке-04» ва «Боруссия Мюнхенгладбах» жамоалари қарама-қаршилиги остида кечди.
Ўйиннинг 59-дақиқасида «Шальке-04» клуби дарвозабони ҳакам томонидан қизил карточка билан жазоланди ва майдондан четлатилди.
85-дақиқада Кристоф Крамер рақиб дарвозасини ишғол қилди (1:0). Орадан 5 дақиқа ўтиб, Денис Закария ўрнига майдонга тушган Флориан Нойҳаус ҳисобни 2:0 кўринишига олиб келди. Торган Азар иккала голга ҳам ассистентлик қилди.
Шу тариқа «Боруссия Мюнхенгладбах» клуби сафарда 2:0 ҳисобидаги муҳим ғалабани қўлга киритди.
Маълумот учун, мазкур турдан сўнг Дитер Ҳекинг жамоаси мусобақа жадвалида 42 очко тўплаган ҳолда тўплар нисбати бўйича 2-ўринга кўтарилиб олди. «Бавария» клубида ҳам шунча очко мавжуд.
Бундеслига
20-тур баҳслари
2 февраль, шанба
«Ҳоффенҳайм»—«Фортуна Д» 1:1
Голлар: 1:0 — 16 Крамарич, 1:1 — 46 Ҳеннингс.«Байер Леверкузен»—«Бавария» 3:1
Голлар: 0:1 — 41 Горецка, 1:1 — 53 Бэйли, 2:1 — Фолланд, 3:1 — 87 Аларио.«Айнтрахт Ф»—«Боруссия Д» 1:1
Голлар: 0:1 — 22 Ройс, 1:1 — 36 Йович.«Ҳерта»—«Вольфсбург» 0:1
Голлар: 0:1 — 65 Веҳхорст.«Ньюрнберг»—«Вердер» 1:1
Голлар: 0:1 — 63 Эггештайн, 1:1 — 86 Исхак.«Шальке-04»—«Боруссия М» 0:2
Голлар: 0:1 — 85 Крамер, 0:2 — 90 Нойҳаус.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)