Мирзо Улуғбек туманида янги инвестицион лойиҳа амалга оширилди

«Фаол инвестициялар ва ижтимоий ривожланиш йили» Давлат дастури ижросини таъминлаш юзасидан Мирзо Улуғбек туманидаги «Мирзо Улуғбек кичик саноат зонаси»да «Катта сиғимли қоп ишлаб чиқариш» лойиҳаси учун 12,3 миллиард сўмлик инвестициялар жалб этилди. Бу ҳақда Тошкент шаҳар ҳокимлиги матбуот хизмати хабар берди.

Лойиҳанинг йиллик ишлаб чиқариш ҳажми 29,5 миллиард сўм бўлиб, йиллик қуввати (1,0 тонна сиғимга эга бўлган) 365,0 минг дона қопни ташкил қилади.

Лойиҳа фаолиятини ривожлантириш орқали йиллик экспорт ҳажмини 2,0 миллион долларга етказиш кўзда тутилган. Асосий экспорт Қозоғистон, Тайвань ва бошқа Жанубий Осиё давлатларига амалга оширилади.

Шунингдек, лойиҳа орқали 120 та янги иш ўринлари яратилади.