АПЛ. «Арсенал» ютди, «Манчестер Юнайтед»да дуранг, «Манчестер Сити» эса ютқазди (видео)
29 январь, сешанба куни Англия чемпионатининг 24-тур баҳслари доирасида 6 та учрашув ниҳоясига етди.
Унаи Эмери қўл остидаги Лондоннинг «Арсенал» клуби ўз майдонида «Кардифф» жамоаси билан беллашди.
Барча голлар ўйиннинг 2-бўлимида урилди. 66-дақиқада Пьер-Эмерик Обамеянг пенальтидан ҳисобни очган бўлса, 83-дақиқага келиб Александр Ляказетт ҳисобни 2:0 кўринишига олиб келди. Учрашувнинг сўнгги дақиқаларида Натаниэл Мендес-Лаинг Кеннет Зоҳоре узатга тўпни лондонликлар дарвозасига жойлаб қўйди. Ўйин 2:1 ҳисобида «тўпчилар» фойдасига тугади.
Оле-Гуннар Сульшер бошқарувидаги «Манчестер Юнайтед» клуби «Олд Траффорд» стадионида «Бёрнли» билан жанг қилди.
Учрашувнинг 51-дақиқасида Эшли Барнс Давид де Хеа қўриқлаётган дарвозага гол уриб ҳисобни очди. 81-дақиқада эса «Бёрнли» ҳужумчиси Крис Вуд жамоасининг 2-голига муаллифлик қилди. Орадан 6 дақиқа ўтиб, ҳакам томонидан меҳмон жамоа дарвозаси томон пенальти белгиланди ва Поль Погба 11 метрли жарима зарбасидан дарвозани аниқ нишонга олди ва ҳисобни қисқартирди. Ўйиннинг охирги дақиқаларида Виктор Линделёф рақиб дарвозасини ишғол қилди ва жамоасини мағлубиятдан қутқариб қолди.
Шу тариқа «Манчестер Юнайтед» ўз уйида «Бёрнли» билан дуранг ўйнади (2:2) ва 1 очкодан бўлишиб олди.
Ушбу турда мусобақа жадвалида 2-ўринда бораётган «Манчестер Сити» клуби «Ньюкасл» майдонига сафар қилди.
Ўйиннинг 1-дақиқасидаёқ «шаҳарликлар» ҳужумчиси Серхио Агуэро ҳисобни очди (1:0).
2-бўлимнинг 66-дақиқасида «Ньюкасл» ҳужумчиси Сулаймон Рондон Исаак Ҳайден узатмасини голга айлантирган бўлса, 80-дақиқага келиб Метт Ричи 11 метрли жарима зарбасидан Эдерсон Мораэс дарвозасига гол урди ва ўйинга якун ясади.
Шу тариқа Хосеп Гвардиола шогирдлари сафарда «Ньюкасл»га мағлуб бўлди ва очко йўқотди.
АПЛ
24-тур баҳслари
29 январь, сешанба
«Арсенал»—«Кардифф» 2:1
Голлар: 1:0 — 66, пенальти, Обамеянг, 2:0 — 83 Ляказетт, 2:1 — 90 Мендес-Лаинг.«Фулҳэм»—«Бёртон» 4:2
Голлар: 0:1 — 3 Маррей, 0:2 — 17 Маррей, 1:2 — 47 Чеймберс, 2:2 — 58 Митрович, 3:2 — 74 Митрович, 4:2 — 79 Ветто.«Ҳаддерсфилд»—«Эвертон» 0:1
Голлар: 0:1 — 3 Пишарлисон.«Вулверҳэмптон»—«Вест Ҳэм» 3:0
Голлар: 1:0 — 66 Саисс, 2:0 — 80 Ҳименес, 3:0 — 86 Ҳименес.«Ньюкасл»—«Манчестер Сити» 2:1
Голлар: 0:1 1 Агуэро, 1:1 — 66 Рондон, 2:1 — 80, пенальти, Ричи.«Манчестер Юнайтед»—«Бёрнли» 2:2
Голлар: 0:1 — 51 Барнс, 0:2 — 81 Вуд, 1:2 — 87 Погба, 2:2 — 90 Линделёф.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
