29-yanvar, seshanba kuni Angliya chempionatining 24-tur bahslari doirasida 6 ta uchrashuv nihoyasiga yetdi.
Unai Emeri qo‘l ostidagi Londonning “Arsenal” klubi o‘z maydonida “Kardiff” jamoasi bilan bellashdi.
Barcha gollar o‘yinning 2-bo‘limida urildi. 66-daqiqada Pyer-Emerik Obameyang penaltidan hisobni ochgan bo‘lsa, 83-daqiqaga kelib Aleksandr Lyakazett hisobni 2:0 ko‘rinishiga olib keldi. Uchrashuvning so‘nggi daqiqalarida Nataniel Mendes-Laing Kennet Zohore uzatga to‘pni londonliklar darvozasiga joylab qo‘ydi. O‘yin 2:1 hisobida “to‘pchilar” foydasiga tugadi.
Ole-Gunnar Sulsher boshqaruvidagi “Manchester Yunayted” klubi “Old Trafford” stadionida “Byornli” bilan jang qildi.
Uchrashuvning 51-daqiqasida Eshli Barns David de Xea qo‘riqlayotgan darvozaga gol urib hisobni ochdi. 81-daqiqada esa “Byornli” hujumchisi Kris Vud jamoasining 2-goliga mualliflik qildi. Oradan 6 daqiqa o‘tib, hakam tomonidan mehmon jamoa darvozasi tomon penalti belgilandi va Pol Pogba 11 metrli jarima zarbasidan darvozani aniq nishonga oldi va hisobni qisqartirdi. O‘yinning oxirgi daqiqalarida Viktor Lindelyof raqib darvozasini ishg‘ol qildi va jamoasini mag‘lubiyatdan qutqarib qoldi.
Shu tariqa “Manchester Yunayted” o‘z uyida “Byornli” bilan durang o‘ynadi (2:2) va 1 ochkodan bo‘lishib oldi.
Ushbu turda musobaqa jadvalida 2-o‘rinda borayotgan “Manchester Siti” klubi “Nyukasl” maydoniga safar qildi.
O‘yinning 1-daqiqasidayoq “shaharliklar” hujumchisi Serxio Aguero hisobni ochdi (1:0).
2-bo‘limning 66-daqiqasida “Nyukasl” hujumchisi Sulaymon Rondon Isaak Hayden uzatmasini golga aylantirgan bo‘lsa, 80-daqiqaga kelib Mett Richi 11 metrli jarima zarbasidan Ederson Moraes darvozasiga gol urdi va o‘yinga yakun yasadi.
Shu tariqa Xosep Gvardiola shogirdlari safarda “Nyukasl”ga mag‘lub bo‘ldi va ochko yo‘qotdi.
APL
24-tur bahslari
29-yanvar, seshanba
“Arsenal”—“Kardiff” 2:1
Gollar: 1:0 — 66, penalti, Obameyang, 2:0 — 83 Lyakazett, 2:1 — 90 Mendes-Laing.“Fulhem”—“Byorton” 4:2
Gollar: 0:1 — 3 Marrey, 0:2 — 17 Marrey, 1:2 — 47 Cheymbers, 2:2 — 58 Mitrovich, 3:2 — 74 Mitrovich, 4:2 — 79 Vyetto.“Haddersfild”—“Everton” 0:1
Gollar: 0:1 — 3 Pisharlison.“Vulverhempton”—“Vest Hem” 3:0
Gollar: 1:0 — 66 Saiss, 2:0 — 80 Himenes, 3:0 — 86 Himenes.“Nyukasl”—“Manchester Siti” 2:1
Gollar: 0:1 1 Aguero, 1:1 — 66 Rondon, 2:1 — 80, penalti, Richi.“Manchester Yunayted”—“Byornli” 2:2
Gollar: 0:1 — 51 Barns, 0:2 — 81 Vud, 1:2 — 87 Pogba, 2:2 — 90 Lindelyof.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)