Оролдан сув чиқдими? Меҳрли музлаткич қаерда ўрнатилди? Ижтимоий тармоқлардаги трендлар

Ижтимоий тармоқ оламида нима гаплар? Биз билан ижтимоий тармоқнинг энг оммалашган постларини кузатишда давом этинг.

Ҳазиломуз пост билан бошламоқчимиз:

Мубашшир Аҳмад

Қушлар бўйича мутахассис эмасманку, лекин бу суратда тўрт аёл ва бир эркак қуш борлигини аниқ биламан

Оролдан сув чиқдими?

«Халқ билан мулоқот» гуруҳида ҳаммани хурсанд қиладиган пост қўйилди. Унда бизни тарк этиб, кундан кунга сўнгги нафасини олаётган Орол денгизининг қуриган ери остидан чучук сув чиққани ва ўша ерда олинган суратлар билан эълон қилинди.

Бу, айтиш мумкинки, январь ойининг энг шов-шувли пости бўлди: у 2000 га яқин like олди ва 400 га яқин маротаба share қилинди.

Фойдаланувчилар турли комментлар ёзди, мана улардан айримлари:

Ният қиламизки, бундай сувлар кўпроқ чиқаверсин, Оролни сақлаб қолишга умид бағишласин барчага.

* * *

Блогер Феруз Аллаевнинг пости кўп муҳокамаларга сабаб бўлди.

Фируз Аллаев

13 кун давомида бутун Испанияни, ҳатто Европани ларзага солган воқеани кузатиб бордим. Кеча тунда ҳам охирги жараённи YouTube орқали online кузатиб, мўъжизадан умид қилиб хаяжон остида дуо қилиб ўтирдим.

12 январь куни испан оиласи 2 ёшар ўғли Жулен билан сайрга чиқади. Сайр вақтида бироз қаровсиз қолган бола деҳқонлар томонидан сувсиз мавсумда 100 метр чуқурлик қозилган ва кейинчалик қаровсиз қолган қудуққа тушиб кетади. Қудуқнинг чуқурлиги 100 метр, диаметри бўлса бор йўғи 20 см. Деҳқонларнинг энг катта хатоси — қудуқ сувини тортиб олиб ишлатгандан сўнг уни ёпиб кетишмаган. 20 см диаметрли тешикка қутқарувчилар кира олишмайди. Натижада бола қудуқнинг ичида ёпилиб қолади. Камера туширишса, фақат 70 метргача тушади ва бола йиқилганда тушган тошлар қудуқни ёпиб қўйганлиги аниқ бўлади. Демак, болажон 70 метр чуқурликда. Энг ёмони, қудуқ қаттиқ тошли ерда қазилган ва уни қазиш жуда муаммоли.

Болажонни қутқариш учун катта қутқарувчилар жамоаси параллел тешик қазишди ва 70 метрга етган вақтда параллел тешикдан қудуққа қараб қазишди. Тошли жойни қазиш қийинлиги учун 4 мартда кичик портлаш қилишга мажбур бўлишди. Пастда кислород етишмаслиги сабабли қутқарувчилар кислород балонлари билан чуқурга тушишар, ярим соатдан ортиқ турмай яна қайтиб чиқишар, уларнинг ўрнига бошқа қутқарувчилар тушишарди. Қутқарув жараёнига 3 та вертолёт, оғир машиналар, Испаниянинг энг зўр қутқарувчилари жалб қилинди.

Кеча ярим тунда қутқарувчилар ниҳоят болажонгача етиб боришди. Сувсизлик, қаттиқ тушиш, очликдан болажон оламдан ўтган. Кўзда ёш билан болани танасини олиб чиқишди.

Икки йил олдин ҳам 3 ёшли фарзандидан айрилган оилани аҳволига одамнинг юраги ачийди.

Мени қойил қолдиргани бўлса, бир боланинг тақдирига бўлган испан ҳукуматининг, маҳаллий тизимнинг эътибори, уни қутқариб қолиш учун ҳаракати бўлди. Бир бола тақдири учун 100 лаб кишилар, бутун ОАВ оёққа турди. Тўғри, болани қутқариша олмади, лекин, энг муҳими, инсонийлик яъни инсон деган жонзот бурчини ҳалол бажаришди, охиригача мўъжизага ишониб ҳаракат қилишди.

Мана шунақа онларда инсонийлик биз инсонларда энг катта қадрият эканлигига одамда яна бир марта ишонч уйғонади.

Оталар бир бўлишиб, болалар боғчасидаги фарзандларига рақс ижро этиб беришибди. Бизда оталар тўйларда кайф бўлишиб, ерда думалаб ўйнашяпти. Бизда MTM вазирлигидаги Собит Турғуновга ўхшаганлар, боғча мудираларига дўқ уриб кун кўряпти. Фарзанд + ота-она + раҳбарлар орасида меҳр-оқибат бўлмас экан, ёшларни ватанпарвар қилиб тарбиялаб бўлмайди дейилган видео пост муаллифи. Айтганча, мен ҳам ўзбекистонликларга ўхшатибман видеодаги оталарни, йўқ, кейин билсам, бу арманистонлик кишилар экан.

Абдулазиз Саидаликҳанов

Тўғри, оғир ва хатарли касб.  Лекин, каска нимага керак?

Бизнингча, иш жойида техника хавфсизлигига риоя қилмагани учун жарима солишларидан қўрқиб таққан.

Меҳрли музлаткич

«Troll.uz» ўз Telegram-каналида ва Facebook’даги саҳифасида қўйган ушбу хабар катта олқишлар билан кутиб олиниб, минглаб like’лар олди; ушбу хайрли иш ҳали бутун Ўзбекистонга тарқаб кетса, бу ишда «Troll.uz»нинг ҳам улкан ҳиссаси бўлади.

TROLL UZ

Чилонзорда Kasbino супермаркети ёнида Меҳрли музлаткич ўрнатилибди. Имкони борлар озиқ-овқат жойлаштириб, имкони йўқлар олиб кетишади. Мутлақо бепул. Ажойиб лойиҳа! Барака топишсин! Иштирок этинг ва танишларингиз билан бўлишинг!

* * *

Хўш, Twitter’да нима гаплар? У ерда ҳам доимгидек енгил юморли твитлар босилди. Улардан баъзилари:

Шу машинани тузатишга ҳаракат қилаётган одамнинг умидига шляпамни ечдим ома)) pic.twitter.com/ChWJOvxdOZ

— Отабек Йўлдошев (@Otabek007) January 27, 2019

Бугун чекишни ташлаганимга роппа-роса 7 йил бўлди. Ҳозирги ўртамиёна сигаретнинг энг минимал нархи 7000 сўм деб ва кунига бир пачкадан чекилишини ҳисобга олсак, унда бугунги пулда 7х365х7000=17 885 000 сўм тежалибди. Яна соғлиққа қанча фойда ;)

— Нодир Мирходиев (@m_nodir) January 27, 2019

https://twitter.com/Behzod__/status/1089223694436761600

- Кеча дўстларимга «телефонимни топа олмаяпман, менга қўнғироқ қил, овозидан топиб олай, раҳмат», деб смс юбордим. Деярли ҳаммалари қўнғироқ қилишди. Менда эса ўз навбатида дўстларим унча ҳам ақлли эмас экан, деган фикр пайдо бўлди.

- Қўявер, телефонинг топилдими, ишқилиб)

— Олим Толипов (@TolipovLive) January 26, 2019

«Микрофон кўтарган аёл» Telegram-каналининг ушбу пости билан бугунги дайжестимизни якунламоқчимиз:

Instagram’га кирсам, ҳамма бахтли ва бой, ҳамма палон пулли кафеда эспрессо ичиб юрган бўлади. Ҳамма қаердадир саёҳатда юради. Туалетларимиз шунчалик озодалигидан, қизлар ялтироқ кўйлакда туалетда селфи тушади. Артистларимиз еган-ичган, ўтирган-турган-ётганини, орқа-олдини реклама қилади.

Facebook’ка кирсам, ҳамма нолиган, газ-чироқ йўқ, ойлик кам, интернет паст, танловлар нохолис, ғолиблар плагиат, реформалар чала...

Telegram’га кирсам, ҳамма профилларига ақлли фикрлар ёпиштирган, ҳамма канал очган, ҳамма шу ерда ишлаяпти, шу ерда ўқияпти, шу ерда пул топяпти... Очиқ-ёпиқ гуруҳларда бир-бири билан олишиб, баҳслашиб маза қиляпти. Юз минглаб одамларимиз «ШОК! Навоий тирик экан, ШОК! Бу қизни кўринг, йиғламанг!» каби видеоларни кўриш учун каналлардан каналларга ўтиб юрибди.

#bizjudaharxilmiz #bizjudabirxilmiz