БМТнинг суд қарорлари бўйича махсус маърузачиси Агне Калламар келаси ҳафтада Саудия журналисти Жамол Қошиқчининг ўлдирилиши бўйича мустақил халқаро текширувга бошчилик қилиш учун Туркияга келади, дея хабар беради «Коммерсантъ».
БМТ вакилининг ташрифи 28 январдан 3 февралга қадар давом этади.
Калламар хоним жиноят ҳолатини, шунингдек, «қотиллик учун мамлакатлар ва шахсларнинг жавобгарлик даражасини ўрганишни режалаштирмоқда.
«Менинг хулосаларим ва тавсияларим 2019 йилнинг июнь ойида Инсон ҳуқуқлари бўйича кенгашга етказилади», — дейди у.
Саудия Арабистони мухбири Жамол Қошиқчи 2018 йилнинг 2 октябрь куни Саудия Арабистони Бош консулхонаси ҳудудида ўлдирилган.
Турк матбуотининг ёзишича, журналист қийноққа солинган ва боши танасидан жудо қилинган.Саудия Арабистони Бош прокуратураси қотилликда беш нафар гумонланувчининг ўлимини талаб қилмоқда.
Изоҳ (0)