19—20 январь кунлари футбол бўйича Испания чемпионатининг 20-тур баҳслари доирасида 7 та учрашув бўлиб ўтди.
19 январь, шанба куни Диего Симёне қўл остидаги «Атлетико Мадрид» клуби «Уэска» меҳмони бўлди. Мазкур ўйинда мадридликлар йирик ҳисобда ғалаба қозонди (3:0).
Беллашувнинг 31-дақиқасида «Атлетико» ҳимоячиси Лукас Эрнандес рақиб дарвозасини ишғол қилиб, ҳисобни очди (1:0).
2-бўлимнинг 52-дақиқасига келиб Сантьяго Ариас Антуан Гризманн узатмасини голга айлантирди (2:0). 71-дақиқада эса Коке ҳисобни 3:0 кўринишига келтирди.
Шу тариқа «Атлетико Мадрид» сафардаги ўйинда 3 очкони қўлга киритди.
20 январь, якшанба куни Ла Лига жадвалида етакчилик қилаётган Каталониянинг «Барселона» клуби «Камп Ноу» стадионида «Леганес» жамоасини синовдан ўтказди. Мазкур ўйинда «кўк-анор ранглилар» 3:1 ҳисобидаги ишончли ғалабани қўлга киритди.
Учрашувнинг 32-дақиқасида Усмон Дембеле ҳисобни очган бўлса, 57-дақиқага келиб «Леганес» аъзоси Мартин Брейтуэйт ҳисобни тенглаштирди (1:1). 71-дақиқада эса Луис Суарес жамоасининг 2-голига муаллифлик қилди.
Карлес Аленя ўрнига захирадан майдонга тушган Лионель Месси беллашувнинг сўнгги дақиқаларида рақиб дарвозасига гол уриб, ғалабани мустаҳкамлади (3:1).
Ла Лига
20-тур баҳслари
19 январь, шанба
«Уэска»—«Атлетико Мадрид» 0:3
Голлар: 0:1 – 31 Эрнандес, 0:2 – 52 Ариас, 0:3 – 71 Коке.«Сельта»—«Валенсия» 1:2
Голлар: 1:0 – 40 Араужо, 1:1 – 71 Торрес, 1:2 – 84 Родриго.20 январь, якшанба
«Бетис»—«Жирона» 3:2
Голлар: 1:0 – 12 Телио, 1:0 – 36 Гарсия, 1:2 – 44 Думбия, 2:2 – 54 Морон, 3:2 – 90 Каналес.«Вильярреал»—«Атлетик Бильбао» 1:1
Голлар: 0:1 – 18 Коста, 1:1 – 71 Экамби.«Райо Вальекано»—«Реал Сосьедад» 2:2
Голлар: 1:0 – 22 Комесана, 2:0 – 28 Эмбарба, 2:1 – 39 Морено, 2:2 – 82 Жозе.«Леванте»—«Вальядолид» 2:0
Голлар: 1:0 – 42 Коке, 2:0 – 90 Рожер.«Барселона»—«Леганес» 3:1
Голлар: 1:0 – 32 Дембеле, 1:1 – 58 Брейтуэйт, 2:1 – 71 Суарес, 3:1 – 90 Месси.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)