19—20-yanvar kunlari futbol bo‘yicha Ispaniya chempionatining 20-tur bahslari doirasida 7 ta uchrashuv bo‘lib o‘tdi.
19-yanvar, shanba kuni Diyego Simyone qo‘l ostidagi “Atletiko Madrid” klubi “Ueska” mehmoni bo‘ldi. Mazkur o‘yinda madridliklar yirik hisobda g‘alaba qozondi (3:0).
Bellashuvning 31-daqiqasida “Atletiko” himoyachisi Lukas Ernandes raqib darvozasini ishg‘ol qilib, hisobni ochdi (1:0).
2-bo‘limning 52-daqiqasiga kelib Santyago Arias Antuan Grizmann uzatmasini golga aylantirdi (2:0). 71-daqiqada esa Koke hisobni 3:0 ko‘rinishiga keltirdi.
Shu tariqa “Atletiko Madrid” safardagi o‘yinda 3 ochkoni qo‘lga kiritdi.
20-yanvar, yakshanba kuni La Liga jadvalida yetakchilik qilayotgan Kataloniyaning “Barselona” klubi “Kamp Nou” stadionida “Leganes” jamoasini sinovdan o‘tkazdi. Mazkur o‘yinda “ko‘k-anor ranglilar” 3:1 hisobidagi ishonchli g‘alabani qo‘lga kiritdi.
Uchrashuvning 32-daqiqasida Usmon Dembele hisobni ochgan bo‘lsa, 57-daqiqaga kelib “Leganes” a’zosi Martin Breytueyt hisobni tenglashtirdi (1:1). 71-daqiqada esa Luis Suares jamoasining 2-goliga mualliflik qildi.
Karles Alenya o‘rniga zaxiradan maydonga tushgan Lionel Messi bellashuvning so‘nggi daqiqalarida raqib darvozasiga gol urib, g‘alabani mustahkamladi (3:1).
La Liga
20-tur bahslari
19-yanvar, shanba
“Ueska”—“Atletiko Madrid” 0:3
Gollar: 0:1 – 31 Ernandes, 0:2 – 52 Arias, 0:3 – 71 Koke.“Selta”—“Valensiya” 1:2
Gollar: 1:0 – 40 Araujo, 1:1 – 71 Torres, 1:2 – 84 Rodrigo.20-yanvar, yakshanba
“Betis”—“Jirona” 3:2
Gollar: 1:0 – 12 Telio, 1:0 – 36 Garsiya, 1:2 – 44 Dumbiya, 2:2 – 54 Moron, 3:2 – 90 Kanales.“Vilyarreal”—“Atletik Bilbao” 1:1
Gollar: 0:1 – 18 Kosta, 1:1 – 71 Ekambi.“Rayo Valyekano”—“Real Sosyedad” 2:2
Gollar: 1:0 – 22 Komesana, 2:0 – 28 Embarba, 2:1 – 39 Moreno, 2:2 – 82 Joze.“Levante”—“Valyadolid” 2:0
Gollar: 1:0 – 42 Koke, 2:0 – 90 Rojer.“Barselona”—“Leganes” 3:1
Gollar: 1:0 – 32 Dembele, 1:1 – 58 Breytueyt, 2:1 – 71 Suares, 3:1 – 90 Messi.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)