Аввал хабар қилганимиздек, Human хусусий бандлик агентлиги айни пайтда хориж сафарида бўлиб турибди. Делегация 15 январь куни Чехия республикасининг Прага шаҳрида бўлиб, бир нечта корхоналар билан музокаралар олиб борди.
Сафар давомида Чехиянинг Almax Work Holding корхонаси билан ҳамкорликда «Panasonic» компаниясини Пльзен шаҳридаги йиғув линияси, «Daikin» корхонасининг Пльзен шаҳридаги йиғув линияларида ишчи ходимлар учун яратилган меҳнат шароитлари билан танишди.
Шунингдек, ишчиларнинг хавфсиз ва қулай шароитда меҳнат қилишлари учун яратилган имкониятлар, хориждан жалб қилинган ходимлар учун ажратилган турар жой биносидаги шарт-шароитлар, тезкор тиббий ёрдам кўрсатиш тузилмаси, иш вақтида тақдим этиладиган озиқ-овқат маҳсулотлари сифати ва миқдори билан яқиндан танишди.
Ҳамкор томонлар ишга жойлашиш истагида бўлган Ўзбекистон Республикаси фуқароларига малака, ёш ва саломатлигига доир қўйиладиган талабларни муҳокама қилишди. Музокаралар якунига кўра, Human хусусий бандлик агентлиги ҳамда Almax Work Holding корхоналари ўртасида ўзаро ҳамкорлик шартномаси имзоланди.
Ушбу шартномага мувофиқ, Almax Work Holding корхонаси 2019 йил давомида Ўзбекистон Республикасидан ишлаш истагида бўлган 1000 нафар фуқарони «Panasonic» ва «Daikin» компанияларининг йиғув линияларида иш билан таъминлаш, уларнинг ижтимоий-меҳнат ҳуқуқларини тўлиқ кафолатлаш ва ўз навбатида Human хусусий бандлик агентлиги келишувга кўра, ишчи ходимларни белгиланган муддатларда Чехия Республика қонуний ва кафолатланган асосларда етиб боришларини таъминлаш мажбуриятини олади.
Маълумот учун айтиш керакки, Almax Work Holding компанияси Европа меҳнат бозорининг профессионал иштирокчиси сифатида 2012 йилдан бери фаолият олиб боради ва бугунги кунда 10 га яқин ваколатхона ҳамда 40 дан ортиқ доимий ҳамкорларга эга.
Қабул шартлари ва муддатлари ҳақидаги маълумотлар билан оммавий ахборот воситалари ва Human хусусий бандлик агентлигининг ижтимоий тармоқларидаги саҳифалари орқали бохабар бўлиб боришингиз мумкин.
«Human» хусусий бандлиги агентлиги бош офиси манзили: Тошкент шаҳри, Яккасарой тумани, Бобур кўчаси.Мўлжал: Халқаро аэропортТелефон: +998 95 198 92 90
Реклама ҳуқуқи асосида.
Изоҳ (0)