2019/2020 ўқув йилидан бошлаб абитуриентларга бир вақтнинг ўзида бир нечта олий таълим муассасасига ҳужжат топшириш имконияти берилади. Бу ҳақда Адлия вазирлигининг «Ҳуқуқий ахборот» Telegram-каналида хабар берилди.
Давлат дастурига асосан 1 апрелга қадар абитуриентларни бир вақтнинг ўзида бир нечта олий таълим муассасасига ҳужжат топшириш имконияти назарда тутилган қонун ҳужжати лойиҳаси ишлаб чиқилади.
Ҳужжатда шуниингдек абитуриентнинг синов натижаси бўйича олган бали етарли бўлмаганда, балига қараб бошқа олий таълим муассасаси (таълим йўналиши)да ўқиш имкониятини бериш, ушбу таълим муассасаси (таълим йўналиши)ни танлашнинг аниқ муддати, таълим муассасасини танлашнинг тартиби (имтиҳон фанлари блоки ва кетма-кетлигининг мослиги) каби масалалар ҳам қамраб олинади.
Изоҳ (0)