Тошкент метросидаги Wi-Fi, қирғизистонлик бемор қизчани йўқлаган Роналду, оғир аҳволдаги Пўлат Саидқосимов ва куннинг бошқа муҳим хабарлари

17 январнинг эътиборга молик янгиликлари — «Дарё» дайжестида.

Тошкент метрополитенида илк марта синов тариқасида бепул Wi-Fi ишга туширилди.

Айни пайтда тажриба-синов тариқасида Алишер Навоий ва Пахтакор метростанцияларида жамоат Wi-Fi қурилмалари ишламоқда.

Келгусида бепул Wi-Fi метронинг барча станцияларида ишга туширилиши режалаштирилган.

***

Криштиану Роналду ва унинг рафиқаси саратонга чалинган қирғизистонлик қизчани йўқлади.

Қирғизистонлик Юна исмли қизалоқ суяк саратони касаллигига чалинган. У ҳозирда Италиянинг Турин шифохоналаридан бирида даволанмоқда.

Юнани кўриш учун бир нечта футболчилар, жумладан, машҳур футболчи Криштиану Роналду ва унинг рафиқаси Жоржина Родригес ташриф буюрди.

***

Ўзбекистон халқ артисти Пўлат Саидқосимовнинг оғир аҳволда шифохонага тушди.

Фарғона вилояти Қўқон шаҳрида фильм суратга олиш жараёнида иштирок этаётган таниқли актёр, Ўзбекистон халқ артисти Пўлат Саидқосимовнинг тўсатдан тоби қочиб қолди. Унга зарур тиббий ёрдам кўрсатилиб, аниқ ташхис қўйилиб, вақтида Тошкент шаҳрига Республика шошилинч тиббий ёрдами илмий марказига олиб борилди.

У кўрикдан ўтказилиб, операция қилинган. Жарроҳлик амалиёти мураккаб кечгани сабабли унинг давомийлиги 6 соат давом этган.

Ҳозирда 88 ёшли Пўлат Саидқосимовнинг аҳволи оғирлигича қолмоқда. Бемор Тошкент шаҳри Республика шошилинч тиббий ёрдами илмий марказининг жонлантириш бўлимида ётибди. Малакали шифокорлар унинг ҳаёти учун курашмоқда.

***

Зоминда ёш бола ётган бешик иситиш мосламасига яқин қўйилиб, назоратсиз қолдирилди. Ҳолат аянчли якун топди.

Хонадон соҳибаси буни сезиб қолиб, бешикдаги жароҳатланган ўғлини шифохонага олиб кетганлиги маълум бўлган. Лекин кўрсатилган тиббий ёрдамга қарамасдан уй эгасининг фарзанди 2018 йилда туғилган М.Д. шифохонада вафот этган.

***

Ўзбекистон Республикаси Президенти Шавкат Мирзиёев Ҳиндистон Республикаси Бош вазири Нарендра Модининг таклифига биноан 17 январь куни амалий ташриф билан Ҳиндистоннинг Аҳмадобод шаҳрига келди.

Аҳмадобод халқаро аэропортида олий мартабали меҳмонни Ҳиндистон Республикаси расмий доиралари вакиллари кутиб олди.

Давлат раҳбари 18 январь куни Гужарат штати маркази Гандинагар шаҳрида ўтадиган «Жўшқин Гужарат – 2019» IX халқаро инвестиция саммитида иштирок этади.