Адлия вазири Русланбек Давлетов Озарбайжон президенти ҳузуридаги Фуқароларга хизмат кўрсатиш ва ижтимоий инновациялар Давлат агентлиги делегацияси билан учрашди. Бу ҳақда Адлия вазирлиги матбуот хизмати хабар берди.
Учрашувда томонлар халқаро-ҳуқуқий ҳамкорлик, давлат хизматлари соҳасида қўшма тадбирларни ташкил этиш масалаларини муҳокама қилди.
Шунингдек, давлат хизматлари соҳасидаги инновацион ёндашувлар бўйича тажриба алмашишни янада кенгайтиришга келишиб олинди. Ўзбекистон салоҳиятини ўрганиш ва «БМТнинг давлат хизматлари тақдим этиш соҳасидаги мукофоти», ASAN ISESCO мукофотлари каби халқаро мукофотларга сазовор бўлиш бўйича лойиҳа ишлаб чиқиш зарурати қайд этилди
Хабарда айтилишича, Озарбайжон делегацияси ташрифи 17 январга қадар давом этади. Ўзбекистон Адлия вазирлиги ва унинг ҳузуридаги Давлат хизматлари агентлиги раҳбарияти билан учрашувлардан ташқари Бухоро ва Самарқанд шаҳарларига саёҳат ҳам кўзда тутилган.
Изоҳ (0)