АҚШнинг Global Petrol Prices таҳлилий нашри бензин нархи энг арзон бўлган мамлакатлар рейтингини тузди. Ушбу рейтингда Ўзбекистон 18-ўринни эгаллади, деб хабар берди «Народное слово».
Бензин энг арзон мамлакат Венесуэла бўлиб, ушбу давлатда бензиннинг бир литри нархи 1 сентга баҳоланган.
Судан ($0,13), Эрон ($0,29), Қувайт ($0,34), Жазоир ($0,35) ва Нигерияда($0,41) ҳам бензиннинг ўта арзон нархи қайд этилган.
Марказий Осиё ҳудудида рейтингнинг биринчи ўрнини Туркманистон ($0,43) эгаллади.
Биринчи ўнталикнинг тўққизинчи ўрнини Озарбайжон ($0,47) ва 10-ўрнини Қозоғистон ($0,48) эгаллади.
Рейтингда Қирғизистон ($0,67) 23-ўрин, Россия ($0,68) 26-ўриндан жой олди.
Рейтингга киритилган дунёнинг 150 мамлакати ўртасидаги энг юқори нархлар Гонконг ($2,04) ва Монакода ($1,98) кузатилган.
Изоҳ (0)