Янги ташкил этилган Иқтисодиёт ва саноат вазирлиги раҳбарига янги ўринбосарлар тайинланди, деб хабар берди «Газета.uz».
Соҳиб Саифназаров (1973 йилда туғилган иқтисодиёт ва саноат вазири ўринбосари бўлди. У Тошкент давлат иқтисодиёт университетини тамомлаган. 1996 йилдан 1998 йилгача «Ўзбекқишлоқхўжаликмаш» корхонасида иқтисодчи бўлиб ишлаган. 1999−2001 йилларда Тошкент вилоят ҳокимияти ахборот-таҳлил гуруҳида етакчи мутахассис бўлган.
2001−2003 йилларда Ўзбекистон Макроиқтисодиёт ва статистика вазирлиги шўъба корхонасини бошқарган. 2004−2009 йилларда Иқтисодиёт вазирлигида турли лавозимларда фаолият кўрсатган. 2012−2017 йилларда «Ангрен» эркин иқтисодий зонасида давлат унитар корхонаси директори бўлган. 2017 йил августида Соҳиб Саифназаров ташқи савдо вазири ўринбосари этиб тайинланди.
Умиджон Салимов (1976 йилда туғилган) иқтисодиёт ва саноат вазири ўринбосари этиб тайинланди. Тошкент давлат техника университети ва Тошкент автомобиль-йўллар институти аспирантурасини тамомлаган, техника фанлари номзоди.
1998−1999 йилларда «Автодайжест» газетаси масъул котиби лавозимида ишлаган. 1999−2000 йилларда «Ўзавтосаноат» ассоциациясининг «Автосанинвестпроект» компаниясида етакчи мутахассис бўлган. 2000−2004 йилларда «Ўзавтосаноат» ассоциацияси молия-иқтисодий экспертиза ва кредитлаш бошқармасида етакчи мутахассис лавозимида фаолият кўрсатган.
2005−2007 йилларда «Ўзавтосаноат» маркетинг, савдо стратегияси ва экспорт салоҳиятини ривожлантириш бошқармаси бош мутахассиси бўлган. 2007−2009 йилларда GM Uzbekistan янги лойиҳалар бошқармаси бўлим бош менежери лавозимида ишлаган.
2009−2011 йилларда GM Powertrain Uzbekistan бош директори ўринбосари бўлган. 2011−2013 йилларда эса «Ўзавтосаноат» бошқаруви раиси ўринбосари эди.
2013−2017 йилларда олий ва ўрта махсус таълим вазирининг биринчи ўринбосари ва Ўрта махсус касб-ҳунар таълими маркази директори сифатида иш олиб борди.
Ботир Усмонов ҳам Иқтисодиёт ва саноат вазирлиги раҳбари ўринбосари бўлди. Қозон давлат техника университети (1993) битирувчиси, Андхра университети (Ҳиндистон, 1999) магистранти, Гамбург техника университети (2001) магистранти.
Бугунги кунга қадар Тошкент ахборот технологиялар университетида (2017−2019) илмий ишлар бўйича проректор, М.V.Ломonosов номидаги MDU Москва филиали амалий математика ва информатика кафедраси доценти, олий ва ўрта махсус таълим вазири ўринбосари (2013−2016) лавозимларида фаолият кўрсатган.
Аввалроқ, Ботир Асадиллаевич Хўжаев Иқтисодиёт вазири лавозимидан озод этилиб, янги ташкил этилган Иқтисодиёт ва саноат вазири лавозимига тайинлангани, Равшан Ғуломов эса унинг биринчи ўринбосари бўлгани ҳақида хабар берилган эди.
Изоҳ (0)